Lucas 5:14 - Manobo Western Bukidnon

¹⁴ Ne zutun mibeleuzan sikandin ni Jesus te, “Kenè nu heini zè pa tudtula ziyà te minsan hentei he etew, kekenà, hendiyè ka g̵untaan te memumuhat he midhimu te Megbevayà wey zin maahà he neulian ka. Ne iveg̵ey nu kandin is ibpemuhat wey nu metuman sikan is insug̵ù dengan ni Moises su wey metueni te langun, he tutuu iyan he neulian ke en.”

Lucas 5:14 Referans Kwoze

Lucas 17:14

Ne hein neehè din sikandan ne migkag̵i sikandin te, “Hendiyè kew en te menge memumuhat te Megbevayà wey zan maahà he nengeulian kew.” Ne nemenhipanew zan ne zutun te kegenat dan nengeulian segugunà sikandan.

Mateo 8:4

Ne migkeg̵iyan ni Jesus te, “Pemineg ka, Mama, kenè nu tudtula ziyà te minsan hentei, kekenà, pehendiyè ka g̵untaan te memumuhat he midhimu te Megbevayà wey zin maahà he neulian ka; ne tumana nu sikan is pemuhat he insug̵ù dengan ni Moises te it-iten, su wey metueni te langun he neulian ka iyan.”

Mateo 12:16

ne migkeg̵iyan din sikandan he kenè dan tudtula te zuma haazà is mid-ulaula zin.

Mateo 9:30

Ne neulian is menge mata zan. Ne zutundutun nepuwasan is ked-ehè dan. Ne zutun migkeg̵iyan sikandan ni Jesus he kenè dan penudtula.

Lucas 9:5

Ne emun duen inged he wazà dutun etew he egalewg̵alew keniyu, ne ewai niw ne penektaka niw is menge eliyavuk diyà te menge paa niw he iyan lag̵uy he edsilutan sikandan te Megbevayà.”

Marcos 6:11

Ne ke zuen inged he kenè kew zuen igalewg̵alew wey kenè dan ebpemineg̵en is ibpesavut niw, ne tektaka niw is eliyavuk diyà te menge paa niw he iyan lag̵uy he edsilutan sikandan te Megbevayà.”

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Lucas 5:13

Ne zutun midampà sikandin ni Jesus te egkag̵i te, “Utew meupiya te g̵ehinawa ku; meulii ka!” Ne segugunà nehanewhanew zutun te etew haazà is it-it din.