Lucas 4:16 - Manobo Western Bukidnon

¹⁶ Ne zutun midhendiyà si Jesus te Neserit, sikan is inged he zutun en sikandin medekelà. Ne zutun te andew he Sebadu he iyan Andew te Kedhimeley midseled si Jesus te simbahan su iyan betasan din. Ne midhitindeg su ebesahan din is insurat he Lalag te Megbevayà.

Lucas 4:16 Referans Kwoze

Nengeulaula 17:2

Ne zutun midsimba si Pablo zuma te menge Hudiyu su iyan betasan din. Ne kada Sebadu seled te tetelu he simana mibpekidibati sikandin te menge etew, ne impesavut din kandan is tagnà he insurat diyà te libru he Lalag te Megbevayà he is hadì he mibpilì te Megbevayà, imbanglis kandin kes kedresaya wey kes kedhimetayi kandin ne emun egkeiwas haazà ebenhawen sikandin te Megbevayà. Ne ke si Pablo te, “Heini is etew he egngezanan ki Jesus, iyan en sikan is hadì he mibpilì te Megbevayà.”

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Lucas 2:51

Miduma kandan si Jesus te ed-ulì diyà te Neserit su mepezumdumahan sikandin te g̵inikanan din. Ne wazà melipati te iney zin haazà is langun he neulaula, kekenà, netipig̵an diyà te isip din.

Lucas 2:42

Ne hein sepulù en wey zezuwa he tuig is idad ni Jesus midtelavuk dan te pista sumalà is ulaula he neleyaman dan.

Juan 18:20

Ne midtavak si Jesus te, “Wazà mekeeles is menge penurù ku ziyà te menge etew su ziyà a mebpenurù te menge simbahan wey ziyà daan te Valey te Megbevayà he egketig̵uman te tivuuk he kehudiyuwan. Wazè ku ieles is minsan hengkey he lalag ku.

Lucas 4:21

Ne ke sikandin te, “Heini is netagnà he insurat he Lalag te Megbevayà he mibasa ku, ne netuman en guntaan dini te etuvangan niw.”

Lucas 2:39

Ne hein nepasad ni Jose wey ni Maria haazà is kedtumana zan te langun he insug̵ù diyà te kesug̵uan he imbeg̵ey te Nengazen, mid-ulì dan diyà te ed-ubpaan dan diyà te inged he Neserit diyà te prubinsya he Geliliya.

Lucas 4:15

Ne nenurù sikandin diyà te menge simbahan te menge Hudiyu zutun te menge inged ne nemekezalig kandin is langun he menge etew.

Lucas 4:17

Ne induwal zan kandin is belesahan he menge surat ni Esaias, sikan is ebpeneuven dengan te Megbevayà. Mibekar zin haazà ne neehè din ne mibasa zin is insurat he edhenduen te,

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’