Lucas 23:49 - Manobo Western Bukidnon

⁴⁹ Ne is langun he menge emig̵u ni Jesus, ragkes is menge vahi he nemendumazuma kandin he ebpemuun te Geliliya, ne ziyè dan te malù meziyù is ebantey zutun te langun he neulaula.

Lucas 23:49 Referans Kwoze

Lucas 8:2

Ne zuen daan menge vahi zutun he eduzumazuma kandin. Ne heini he menge vahi, neulian din dengan te menge zaru wey is duma kandan ne mibpeg̵uwaan din te menge mezaat he mulin-ulin he edlalung kandan. Is sevaha zutun te menge vahi ne si Maria Megdelina, sikan is mibpeg̵uwaan ni Jesus te pitu he menge mezaat he mulin-ulin.

Lucas 23:55

Ne sikan is menge vahi he ebpemuun diyà te Geliliya he nemenduma ki Jesus, ne miduma zan ki Jose te edleveng dutun te lawa ni Jesus. Ne neehè dan is midsevukan ki Jesus dutun te penlevengà.

Lucas 23:27

Ne zutun te ked-uwita zan ki Jesus, utew mezakel is menge etew he nemenduma. Ne zuen dutun menge vahi he ebpemenlelendag su edsineg̵awan dan si Jesus.

Marcos 15:47

Ne si Maria Megdelina wey si Maria he iney ni Jose, neehè dan haazà ke hendei isavuk is lawa ni Jesus.

Mateo 27:61

Ne si Maria Megdelina, wey sikan is sevaha he Maria, dutun dan ebpimpinuu is ebantey zutun te surung.