Lucas 23:2 - Manobo Western Bukidnon

² Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Lucas 23:2 Referans Kwoze

Juan 19:12

Ne zutun, mid-iseg is gustu ni Pilatu he edlibriyen din si Jesus, iyan, mibpememensag en maan haazà is menge Hudiyu, ke sikandan te, “Emun ibpaawè nu heeyan he etew, egkuntedahan nu is hadì tew ziyà te Ruma he si Cesar su is etew he iring kayi he ebpahadì, ebpekigkuntada ki Cesar.”

Lucas 23:14

Ne ke sikandin diyà te kandan te, “Heini is etew he in-etuvang niw kayi te kedì, migkag̵i niw he edsinamuk sikandin te inged tew, iyan, mibpurungan ku sikandin susiya kayi te etuvangan te langun te sikiyu ne wazè ku egkeahà he salè din.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Juan 18:30

Ne midtavak is menge punuan te, “Emun kenà selaan heini, kenè dey pezem id-etuvang kenikew.”

Marcos 12:17

Ne ke si Jesus te, “Ne emun kandin ne iyan egkesuatan din, iveg̵ey niw ziyà te kandin, ne iveg̵ey niw zaan diyà te Megbevayà is kandin he azen.” Ne utew zan ingkeinuinu haazà is migkag̵i ni Jesus.

Mateo 22:21

Ne ke sikandan te, “Dagwey wey ngazan te hadì diyà te Ruma.” Ne migkag̵i si Jesus te, “Ne emun kandin, ne iyan egkesuatan din, iveg̵ey niw ziya te kandin, ne iveg̵ey niw zaan diyà te Megbevayà is kandin he azen,” ke sikandin.

Nengeulaula 24:13

Ne wazè dan daan igkepaahà he tutuu is insumbunga zan kedì.

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Mateo 17:27

Asal, kenà meupiya he mepauk kenita heini is menge menunukut te ibayad dutun te Valey te Megbevayà. Hendiyè ka te ranew ne pemunuwit ka. Ne zutun te vèbà te pait he egkehuna nu egkeutel, egkeehè nu is selapì. Kuwaa nu haazà is selapì ne ivayad nu kayi te edsukuten kenita he ibayad te Valey te Megbevayà.”

Mateo 27:11

Ne zutun hein diyè en si Jesus te etuvangan te gubirnedur is ed-imbistigahan, mid-insà ki Jesus haazà is gubirnedur te, “Hadì ke ve te menge Hudiyu?” Ne midtavak si Jesus te, “Uya, iyan is migkag̵i nu.”

Marcos 15:2

Ne si Pilatu, mid-insaan din si Jesus te, “Hadì ke ve te menge Hudiyù?” Ne midtavak si Jesus te, “Uya, iyan is migkag̵i nu.”

Juan 18:29

Tenged dutun migawas si Gubirnedur Pilatu ziyà te kandan ne ke sikandin te, “Hengkey is idsumbunga niw kayi te etew?”

Ruma 13:7

Ne tenged kayi kinahanglan he ebeyazan ta is buhis wey is duma pa he ebpeveyazan kenita te gubirnu. Ne edtehuzen ta zaan is menge etew te gubirnu, ne ibpeehè ta is dekelà he kedtehuza ta te pid-etawan dan.