Lucas 21:34 - Manobo Western Bukidnon

³⁴ Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Lucas 21:34 Referans Kwoze

Marcos 4:19

iyan, egkelipatan dan tenged te menge seeng dan kayi te kelibutan wey te kegkesuat dan te selapì wey te mezakel pa he menge azen, ne kenà ebpulus diyà te kandan is Lalag te Megbevayà.

Lucas 12:40

Ne sikiyu zaan, kinahanglan he mebpekevantey kew su siak is Kakey te Menusiyà, ebpekeuma a te uras he wazè niw isipa he ebpekeuma a.”

1 Kurintu 6:10

is tekawen, is leg̵ezen, is lelenguten, is ebpen-ulug te salà diyà te zuma zin, wey is limbungan, wey is minsan hentei etawa he ed-ulaula te iring kayi, ne kenà sikandin egkehedian keuzemà te Megbevayà, kekenà, edsilutan sikandin.

Impezayag 3:3

Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

Gelasya 5:20

is ked-ezapa te kenà hustu he ed-ezapen, wey is kegemita te g̵ehem he ibeg̵ey ni Setanas. Ebpekigkuntada is menge etew; ebpekidtebek dan; egkesina zan; egkengepauk dan; iyan dà ed-isipen dan is kandan dà he egkesuatan. Ne ed-engkezan dan is kebpekidsevaha zan te menge zuma zan.

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Pilipus 4:6

Kenè niw ikeseeng is minsan hengkey he egkeulaula niw, kekenà, emun ed-ampù kew buyua niw ziyà te Megbevayà is egkinehenglanen niw ne emun ebuyù kew, ne kinahanglan he peselemati niw en he zaan.

Lucas 17:3

Umba, mebpekevantey kew layun!” Ne migkag̵i si Jesus med-uman te, “Emun duen duma nu he nekesalà kenikew, ne keg̵iyi nu wey sembag̵i nu, ne emun ibmesakit haazà te g̵ehinawa zin ne ebuyù te pesaylu, ne peseyluwa nu.

Lucas 10:41

Iyan, migkag̵i si Jesus te, “Marta, utew mezakel is igkesemuki nu he kenà utew ebpulus.

Lucas 8:14

Ne haazà is benì he ziyà mengeulug te tanà he zug̵iyen is menge sagbet dutun, ne iyan is Lalag te Megbevayà he nezineg te menge etew, iyan, tenged te menge seeng dan wey is suat dan te selapì, wey is menge kelipey he kayi te kelibutan, egkelipatan dan is nezineg dan ne kenà ebpulus diyà te kandan is Lalag te Megbevayà.

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

Lucas 21:35

Su iring keg̵aan kayi is kegkeuma kayi te andew te tivuuk he menusiyà.