Lucas 21:23 - Manobo Western Bukidnon

²³ Ne zutun he andew, kehizu utew te menge vahi he memeg̵ingey wey ebpemenleg̵imu su utew zan egkengereg̵enan he ebpelag̵uy! Utew gerabi he kemeresayan is egkehitavù kayi te inged su edsilutan en te Megbevayà is menge Hudiyu.

Lucas 21:23 Referans Kwoze

Lucas 23:29

Su egkeuma is andew he egkehitavù kayi te keniyu is dekelà he kemeresayan. Ne zutun egkag̵i is menge etew he utew zeyzey sikan is bahi he wazè din anak wey wazà edleg̵imuwen.

Marcos 13:17

Ne zutun he andew, kehizu utew te menge vahi he memeg̵ingey wey ebpemenleg̵imu su utew zan egkengereg̵enan he ebpelag̵uy.

Mateo 24:19

Ne zutun he andew, kehizu utew te menge vahi he memeg̵ingey wey ebpemenleg̵imu su utew zan egkengereg̵enan he ebpelag̵uy!

1 Pedro 4:17

Iyan heini, menge suled, timpu he pinaag̵i te merasey he egkeulaula ebpuunan te Megbevayà is kedsusiya zin te menge ulaula te menusiyà. Edhunaan din edsusiya is menge sakup din. Ne emun iyan kiw zin is menge tumutuu edhunaan din, utew pa merasey is egketemanan te menge etew he kenà ebpemineg te Meupiya he Tudtulanen he impesavut kandan te Megbevayà.

Santiago 5:1

Pemineg kew zaan, sikiyu is sepian. Sineg̵ew kew; erang kew, su utew merasey is egkeulaula niw keuzemà.

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Lucas 19:43

Ne zuen andew he zutun egkeumahan kew te menge kuntada niw ne egkelingutan kew ne edtebeken kew zan ne kenè kew ebpekeg̵awas dutun.

Lucas 19:27

Ne mid-uman megkag̵i haazà is hadì te, ‘Ne sikan is menge etew he kenè dan egkesuat he iyan a mekehadì kandan, ne uwita niw zini ne penhimetayi niw sikandan dini te etuvangan ku.’ ”

Mateo 21:44

Ne haazà he vatu, ke và dà egkeg̵iya, iyan sikandin kes mibpilì he hadì, ne emun egkeulug̵an te etew haazà, egkepurung egkerupet is egkeulug dutun. Iyan, ke zuen etew he egkeulug̵an dutun te vatu ne egkepurung egkeapug is lawa zutun te egkeulug̵an.”

Mateo 21:41

Ne midtavak dan te, “Iyan is: ebpenhimetayan din haazà is impemeelima zin ne ebpeelimahan din maan haazà is perasan te selakew en he menge etew he ebeg̵ey mulà te vahin ke egkeuma is tirag̵un.”

Mateo 21:16

Ne tenged dutun migkag̵i zan diyà te ki Jesus is egkengepauk te, “Egkezineg nu ve heini is egkeg̵iyen dan?” Ne midtavak si Jesus te, “Egkezineg ku. Wazè niw ves mevasa sikan is insurat he tagnà te ebpeneuven te Megbevayà he edhenduen te, ‘Mibpenurù nu is menge vatà wey mehustu is kedelig̵a zan kenikew.’ ”

1 Kurintu 7:26

Iyan is: geina te utew mezakel is kemereg̵enan tew te menge tumutuu kayi te timpu, meupiya ke kenè kew ebpees-eseweey.