Lucas 20:22 - Manobo Western Bukidnon

²² Hengkey is isip nu? Ebpekesupak ki ve te kesug̵uan tew ke ebayad ki te vuhis diyà te hadì tew ziyà te inged he Ruma?”

Lucas 20:22 Referans Kwoze

Nengeulaula 5:37

Ne zutun nekesunud si Hudas he tigGeliliya zutun te timpu te kedsinsusa te gubirnu te tivuuk he menge etew. Ne zuen dutun nemekesundan daan kandin, asal midhimetayan daan sikandin ne nemekedsusuwey zaan haazà is menge sumusundan din.

Mateo 17:25

Ne midtavak si Pedro te, “Uya, ebayad sikandin.” Ne hein mid-ulì dutun si Pedro ziyà te valey, iyan si Jesus mid-insà kandin te, “Simon, hengkey is ked-isipa nu kayi? Penenglitan, kayi te kelibutan hentei is ebayad te sidula ziyà te hadi? Iyan be is menge mesipeg din wey ke iyan be is kenè din kezuzumahi?” Ne ke si Pedro te, “Iyan is kenè din kezuzumahi.”

Lucas 20:21

Ne haazà is menge etew he ibpepeniid ki Jesus, migkag̵i zan diyà te kandin te, “He Zatù, netuenan dey he wazè nu ibpelavi he minsan hentei he etew ne tutuu is egkeg̵iyen nu wey hustu is kebpenurù nu te ebpeveelan kenitew te Megbevayà.

Lucas 20:23

Ne netuenan ni Jesus is mezaat he ed-ul-ulahan dan ne ke sikandin diyà te kandan te,

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Ruma 13:7

Ne tenged kayi kinahanglan he ebeyazan ta is buhis wey is duma pa he ebpeveyazan kenita te gubirnu. Ne edtehuzen ta zaan is menge etew te gubirnu, ne ibpeehè ta is dekelà he kedtehuza ta te pid-etawan dan.