Lucas 2:40 - Manobo Western Bukidnon

⁴⁰ Ne midekelà haazà is batà ne mibmezesen is lawa zin, ne utew sikandin metau he vatà ne midtuvazan sikandin te Megbevayà.

Lucas 2:40 Referans Kwoze

Lucas 2:52

Ne midtulin is lawa ni Jesus ne mid-iseg is ketau zin te ked-isip. Inmeupiya sikandin te g̵ehinawa te Megbevayà ne henduen ded daan is etew.

Lucas 1:80

Ne haazà is anak ni Zacarias, midtulin ne mid-iseg daan is ketau zin te ked-isip. Ne hein nekeiseg-iseg en is kezekelè din ne midhendiyà sikandin te tanà he kenè ed-ubpaan te etew ne zutun med-ubpà taman te neuma haazà is timpu te kebpenurù din te menge kezuzumahi zin he kevuwazan ni Israyil mehitenged te Lalag te Megbevayà.

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

2 Timoteo 2:1

Sikew, Timoteo, is iring te tutuu he anak ku, heg̵eta nu is kedtuu nu su zekelà is tavang te Megbevayà kenita tenged te nekidsevaha ki ki Jesu Kristu.

Ipisu 6:10

Menge suled, ketepusan heini he menge lalag ku keniyu: kinahanglan he lig-eni niw is kedsarig niw te Nengazen wey te lavew he zekelà he gehem din.

Nengeulaula 4:33

Ne is menge epustul, utew zekelà is gehem he imbeg̵ey kandan te kedtistig̵us he nevanhew is Nengazen tew he si Jesus, ne zekelà daan is kedtuvazi te Megbevayà te langun kandan te nemeketuu ki Jesus.