Lucas 2:37 - Manobo Western Bukidnon

³⁷ Ne menge keweluwan wey heepat en he tuig is kegkevalu zin. Ne layun sikandin diyà te simbahan su andew wey se mezukilem ne edsimba sikandin te Megbevayà, ne zuen timpu he kenà sikandin egkaan su wey zin utew mepurungi is ked-ampù din diyà te Megbevayà.

Lucas 2:37 Referans Kwoze

1 Timoteo 5:5

Ne sikan is balu he vahi he wazè din egkeserig̵an te keuyag̵an din, iyan din dà egkeserig̵an is Megbevayà, ne maandew wey mezukilem ed-ampù wey ebuyù te tavang diyà te Megbevayà.

Nengeulaula 14:23

Diyà te kada iglisya, he ke và dà egkeg̵iya, gurupu te menge tumutuu, midtezù ensi Pablo te menge ebmeg̵urangen. Midsalang dan egkaan is ed-ampù; ne is menge sumusundan dutun, insarig ni Pablo wey si Bernabe ziyà te Nengazen he midtuuwan dan.

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 26:7

Ne sikitew is tivuuk he kehudiyuwan he nevahin te sepulù wey zezuwa he tribu, edtuuwan tew he egketuman heini. Ne tenged kayi, te andew wey mezukilem ed-azap kiw te Megbevayà. Na, Mahal he Hadì, minsan te iyan heini midtuuwan ku zaan, migamit dan he insumbunga zan kedì.

Impezayag 7:15

Umba, diyè dan edhitindeg te etuvangan te pinuuwà te Megbevayà. Andew wey mezukilem ne ziyè dan te simbahan te Megbevayà ne edtumanen dan dutun is egkesuatan din. Ne is Megbevayà he ziyà ebpimpinuu te pinuuwè din te kedhadì, iyan edlingahaan dan.

Impezayag 3:12

Is minsan hentei he ebpekezaag ki Setanas, edhimuwen ku sikandin he metahud su edhimuwen ku sikandin he iring te tukud diyà te valey ziyà te langit he zutun ed-ezapa is Megbevayè ku ne kenà haazà is tukud igkeawà dutun. Ne idsurat ku ziyà te kandin is ngazan te Megbevayè ku wey is ngazan te inged te Megbevayà he iyan sikan is inged he veg̵u he Hiruselim he ebpenaug he ebpuun te Megbevayà diyà te langit wey elin daan idsurat ku ziyà te kandin is beg̵u he ngazan ku.

Lucas 5:33

Ne zuen menge etew he migkag̵i ziyà te ki Jesus te, “Is menge sumusundan ni Juan Megbebewtismu wey is menge sumusundan te menge Perisiyu, ne layun dan ed-ampù wey edsalang dan he egkaan su wey zan mepurungi is ked-azap dan te Megbevayà. Iyan, is kenikew he menge sumusundan, kenè dan mulà edsalang he egkaan, kekenà, kada andew egkaan dan wey ed-inum dan.”