Lucas 2:35 - Manobo Western Bukidnon

³⁵ ne pinaag̵i kandin egketuusan is menge mezaat he isip dan. Ne sikew is iney zin, tenged te egkuntedahan sikandin te mezakel, utew ebmesakit is gehinawa nu keuzemà.” Iyan heini migkag̵i kandin ni Simeon.

Lucas 2:35 Referans Kwoze

1 Kurintu 11:19

Kinahanglan buwa he iyan heini egkehitavù keniyu ziyan su wey metueni ke hentei keniyu is egkeserig̵an te Megbevayà.

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.

Juan 19:25

Ne zutun te uvey te krus ni Jesus, edhithitindeg is iney zin ne zutun daan sikan is suled he vahi te iney ni Jesus, wey si Maria kes esawa ni Kelupas, wey elin daan si Maria Megdelina.

Lucas 2:34

Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Lucas 2:36

Ne zutun te simbahan he Valey te Megbevayà duen meritan he egngezanan ki Ana he ebpeneuven te Megbevayà. Anak sikandin ni Penuwil he kevuwazan ni Asir. Meg̵urang en utew haazà is bahi. Hein menguhed pa sikandin, neesawa, iyan, seled te menge pitu zà he tuig te kegkeesawa zin, ne nevalu sikandin.