Lucas 2:34 - Manobo Western Bukidnon

³⁴ Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Lucas 2:34 Referans Kwoze

1 Kurintu 1:23

Ne sikitew mulà, ibpenurù tew is mehitenged ki Kristu he inransang te krus. Is menge Hudiyu, igkeepes dan utew heini ne is menge Gerisyahanen ne kunaan dan ke tarù ne wazè din pulus.

Mateo 21:44

Ne haazà he vatu, ke và dà egkeg̵iya, iyan sikandin kes mibpilì he hadì, ne emun egkeulug̵an te etew haazà, egkepurung egkerupet is egkeulug dutun. Iyan, ke zuen etew he egkeulug̵an dutun te vatu ne egkepurung egkeapug is lawa zutun te egkeulug̵an.”

1 Pedro 4:14

Utew kew zeyzey ke edsudien kew tenged te menge sumusundan kew ni Kristu su tuus heini he mid-ulinan kew te mekeg̵eg̵ehem he Mulin-ulin he iyan is Megbevayà.

Hibriyuhanen 7:7

Ne netuenan te minsan hentei he is etew he ebpenubtuvazan din is sengeeetew en, ne lavew sikandin kenà haazà is etew he ebpenubtuvazan din.

Ruma 9:32

Ne maan is wazà heini mehimu? Su iyan dan midserig̵an is keugelingen dan he menge ulaula he meupiya ne wazè dan medtuu ki Jesu Kristu. Ne tenged kayi nehimu sikandan he iring te menge etew he nekesipà te zekelà he vatu ziyà te zalan.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Nengeulaula 17:6

Iyan, hein wazè dan sikandan maahà, midakep dan si Jason wey is duma pa he menge tumutuu zutun, ne miguyud dan diyà te menge upisyal zutun te inged dan te ebensag he egkag̵i te, “Heini is menge etew, nekevaal zan te samuk diyà te minsan hendei! Ne g̵untaan, kayi zan en maan te inged tew.

Nengeulaula 13:45

Iyan, hein nengeahà te menge Hudiyu is mezakel he menge etew, nengesina zan engki Pablo ne midsumpalit dan is impenurù ni Pablo ne mibpenulè dan sikandin.

Nengeulaula 4:26

Su migkayew en is menge hadì dini te kelibutan wey nengetig̵um is menge punuan su edtebeken dan is Nengazen wey egkuntedahan dan is mibpilì din he hadì.’

Juan 5:18

Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Juan 3:20

Sikan is ed-ulaula te mezaat, kenè din egkesuatan is kerayag wey kenè din ed-uvayan is kerayag su kenè din egkesuatan he metueni is menge ulaula zin he mezaat.

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Mateo 11:19

Ne siak is Kakey te Menusiyà, wazà a medsalang megkaan ne mid-inum a mulà te vinu ne neinuinu kew ne migkag̵i niw he vuleg̵uk a wey pereinum te vinu. Ne ke sikiyu zaan he emig̵u a te menge lalung he etew iring te menunukut te vuhis wey menge mesinupaken. Iyan,” ke si Jesus, “egketuusan ta he utew metau is Megbevayà pinaag̵i te egkeveelan din.”

Hibriyuhanen 7:1

Su heini si Milkisidik, ne hadì sikandin dengan te inged he Selim, wey memumuhat sikandin he ed-azap te lavew he Megbevayà. Ne zuen timpu zutun he si Abraham, mibpekidtebek te menge hadì he kuntada zin ne mibpenhimetayan din. Ne zutun te ked-ulì ni Abraham, midsinug̵ung sikandin ni Milkisidik, ne migkag̵i ni Milkisidik pinaag̵i te kebpenuvadtuvad he edtuvazan si Abraham te Megbevayà te meupiya he tuvad.

Nengeulaula 28:22

Egkesuatan dey te ebpemineg is menge penurù nu wey zey mesusi su netuenan dey he is menge tumutuu kayi te tuluuwen he ibpenurù nu, egkuntedahan te menge etew ziyà te minsan hendei.”

Lucas 2:35

ne pinaag̵i kandin egketuusan is menge mezaat he isip dan. Ne sikew is iney zin, tenged te egkuntedahan sikandin te mezakel, utew ebmesakit is gehinawa nu keuzemà.” Iyan heini migkag̵i kandin ni Simeon.