Lucas 19:1 - Manobo Western Bukidnon

¹ Ne nekeuma ensi Jesus diyà te inged he Hiriku ne zutun dan ebayà su edlaus dan pa.

Lucas 19:1 Referans Kwoze

Lucas 18:35

Ne hein uvey zan en diyà te inged he Hiriku ne zuen dutun lakap he ebpimpinuu ziyà te kilid te zalan ne iyan dà baal zin is edtepayà su ebpemumuyù te limus.

Marcos 10:46

Ne nekeuma zan diyà te inged he Hiriku, ne hein ed-awà ensi Jesus wey is menge sumusundan din dutun, utew mezakel is menge etew he nemenduma kandin. Ne zuen lakap dutun he mekelilimus he egngezanan ki Bertimeo he anak ni Timiyu. Ne ebpimpinuu haazà is mekelilimus dutun te kilid te zalan.

Lucas 19:2

Ne zuen dutun maama he tigHiriku he egngezanan ki Sekiyu. Ne haazà si Sekiyu, ne iyan egalen te menge menunukut te vuhis dutun; ne sepian daan utew sikandin.