Lucas 17:22 - Manobo Western Bukidnon

²² Ne migkag̵i si Jesus diyà te menge sumusundan din te, “Egkeuma is andew he utew zekelà pezem diyà te g̵ehinawa niw he meg̵aan metuman is timpu te kedlikù ku te Kakey te Menusiyà, iyan, kenè pa egkehitavù.

Lucas 17:22 Referans Kwoze

Lucas 5:35

Ne zutun te timpu he ibpaawà diyà te kandan sikan is ebpengesawa, human dan edsalang egkaan, su egkeseeng dan.”

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Juan 13:33

Sikiyu is menge minahal ku he menge sumusundan, egketegteg̵aad dà guntaan ne egkeawaan ku en sikiyu. Ebpen-ahaan a keniyu ne iring te migkag̵i ku ziyà te menge Hudiyu, egkeg̵iyen ku zaan dini te keniyu he ke hendei a ebpevayà kenè kew ebpekezuma.

Juan 12:35

Ne migkag̵i ziyà te kandan si Jesus te, “Siak is kerayag he ebpeketayew te kedsavut niw, egkesipeg̵an en is ked-ewai ku keniyu. Te kemulu pa merayag, purungi niw susiya is ibayè niw su kela ke egkezukileman kew. Is edhipanew he merusirem is ibayè din, kenè din egketuenan ke hendei sikandin ebpekepevayà.

Lucas 13:35

Ne g̵untaan, utew mekevulungbulung heini is simbahan niw su mid-iniyug̵an kew en te Megbevayà. Su egkeg̵iyen ku he kenà ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”