Lucas 16:23 - Manobo Western Bukidnon

²³ Ne mid-uwit sikandin diyà te Iveyaan. Ne zutun ne utew sikandin nerasey ne hein nekelingahà, neehè din si Abraham, iyan, utew meziyù. Ne neehè din daan si Lazaro zutun te uvey ni Abraham.

Lucas 16:23 Referans Kwoze

2 Pedro 2:4

Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.

Lucas 16:28

su zuen lelima he hazi ku he maama. Ne kinahanglan he metueni zan he zaan wey zan kenà mekehendini te ubpeey te ebpenresayen.’

Mateo 23:33

Iring kew te menge uled wey menge anak te uled su utew mezaat is ulaula niw. Ebmenmenuwen niw te kedlikey is silut keniyu ziyà te Impirnu?

Mateo 18:9

Ne emun iyan ebpekeawà te kedsarig nu kediey is mata nu, lug̵ita nu wey itimbag su meupiya pa ke sevaha zà is mata nu ke ebeg̵ayan ka te untung he wazà pidtemanan, kenà te zezuwa is mata nu ne idtimbag ka pehendiyà te hapuy te Impirnu.

Impezayag 20:10

Ne zutun, is mid-akal kandan he si Setanas, intimbag sikandin diyà te ranew he egkeregreg te esupri he zutun itimbag sikan is langgam wey kes ebpeneuven ni Setanas ne zutun edresayen sikandan te maandew wey mezukilem te wazà pidtemanan.

Mateo 5:29

Ne emun iyan nu igkepenulayi is kewanan he mata nu, lug̵ita nu wey itimbag! Meupiya pa ke wazè nu mata, kenà ke igkeagbur ka ziyà te hapuy he Impirnu is tivuuk he lawa nu.

Mateo 5:22

Ne iyan kedì he penurù is: minsan sikan is egkepauk dà te zuma zin, edhukuman daan sikandin te Megbevayà. Ne sikan is edsulà te zuma zin te, ‘Wazè nu pulus he etew!’ ne egkeuwit sikandin diyà te husayen. Ne sikan is edsulaan din is duma zin he egkag̵i te, ‘Tulebung ka he wazè nu pulus,’ ne zait sikandin he egkeuwit diyà te hapuy te Impirnu.

1 Kurintu 15:55

“Wazè en kegkehandek tew te kemetayen su wazè en ebpatey. Wazè en kegkeseeng tew tenged te kemetayen su neilisan en te untung he wazà pidtemanan.”

Mateo 11:23

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu. Su is egkengein-inuwan he impeehè ku ziyan te inged niw, angin ke ingkepaahà dengan diyà te menge tigSuduma su kenà egkezezeetan te Megbevayà is inged dan, ne kemulu pa pezem guntaan.

Mateo 8:29

Ne mibensag̵an dan si Jesus, ke sikandan te, “Sikew is Anak te Megbevayà, edsilutan key ve kenikew te wazè pa meuma is midtelaan he timpu?”

Lucas 16:24

Ne mid-umew sikandin diyà te ki Abraham, ke sikandin te, ‘He Apù Abraham, kehizuwi a kenikew! Ipehengkayi nu pa si Lazaro wey zin egkepetig̵isi te wahig heini is bèbè ku su utew e en nerasey kayi te hapuy!’