Lucas 16:14 - Manobo Western Bukidnon

¹⁴ Ne zuen dutun menge Perisiyu he iyan dekelà diyà te g̵ehinawa zan is selapì. Ne hein nezineg dan haazà is penurù ni Jesus ne midsumpalit dan sikandin.

Lucas 16:14 Referans Kwoze

Lucas 23:35

Ne is menge etew, ne ebpemenhitindeg dan dutun he ebantey; ne is menge punuan te menge Hudiyu, ne ed-undaunda kandin, ke sikandan te, “Wey zè be! Nelibri zin is duma; ne emun tutuu he iyan sikandin sikan is hadì he mibpilì te Megbevayà, ed-ahaan ta ke egkelibri zin is keugelingen din.”

Lucas 20:47

Ne heini is menge menunudlù te kesug̵uan, edlimbungan dan is menge valu he vahi wey zan maangken is menge valey zutun te menge vahi. Ne utew melug̵ayad is ked-ampù dan he iyan idtambun dan te mezaat he vaal zan. Utew edekelà is silut te Megbevayà kandan keuzemà.”

Lucas 12:15

Ne migkag̵i si Jesus diyà te menge etew te, “Purungi niw ventayi is ulaula niw su wey wazà keleleg̵ed diyan te keniyu. Su is ibmeupiya te untung te etew, kenà ebpuun te mezakel he menge azen.”

Hibriyuhanen 11:36

Duen pa tumutuu zengan he utew mid-eled-eled ne mibug̵el, ne is duma pa ne midhiketan ne mibpirisu.

2 Timoteo 3:2

Su zutun he timpu leg̵ezen is menge etew wey iyan mahal ziyà te g̵ehinawa zan is selapì. Ebmepelevawen wey ebmepedeligen dan. Edsulaan dan is menge zuma zan; kenè dan ebpemineg̵en is menge lukes dan; ne kenè dan ebpeselamat. Utew lalung sikandan.

Lucas 8:53

Ne te kegkezineg̵a zan dutun te migkag̵i ni Jesus, ne và dan dà mid-engiti su netuenan dan he minatey en iyan haazà is batà.

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Mateo 9:24

ne migkeg̵iyan ni Jesus sikandan te, “Pemen-awè kew is langun. Wazà mebpatey heeyan is batà, kekenà, midlipezeng.” Ne mid-engitan dutun te menge etew si Jesus.