Lucas 14:22 - Manobo Western Bukidnon

²² Ne hein nekeulì en haazà is midsug̵ù ne migkeg̵iyan din haazà is egalen din te, ‘Nemekeume en is menge etew he impeveyaan nu, iyan, wazè pa meenget heini is baley.’

Lucas 14:22 Referans Kwoze

Juan 14:2

Mezakel is menge egkeubpaan diyà te ed-ubpaan te Amey ku, su ke kenà tutuu heini, wazè ku g̵eina sikiyu keg̵iyi he edhendiyà a te ked-andam te egkeubpaan niw.

1 Juan 2:2

Iyan sikandin impemuhat tenged kenitew wey mepalis is menge salè tew, ne kenè kenitew zà he salà is egkepalis, kekenà, is menge salà daan te tivuuk he menusiyà.

Kulusas 2:9

Umba egkeg̵iyen ku heini su si Kristu, nehimu sikandin he etew. Duen din lawa, iyan, minsan pa kayi is minsan hengkey he ziyà te Megbevayà ne ziyà te kandin.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

Lucas 14:21

Ne zutun mid-ulì haazà is midsug̵ù te edtukud te keemuran ne midtudtul zin diyà te egalen din haazà is langun he menge pituwà te menge etew he impeveyaan kandin. Ne haazà is egalen din, ne utew mibmezaat is gehinawa zin. Ne migkeg̵iyan din haazà is sulug̵uen din te, ‘Hendiyè ka te inged ne ikula nu is menge kersada wey menge zalan dutun ne pendumaha nu zini is menge etew he egkengeayuayu, sikan is menge piang, menge pungkul, wey menge lakap.’ Ne zutun midhipanew haazà is sulug̵uen.

Lucas 14:23

Ne midtavak haazà is egalen din te, ‘Hendiyè ka te menge unayan wey vuntud ne ikula nu is menge zalan dutun ne teg̵ela nu is menge etew zutun he medtelavuk dan kayi te keemuran ku su wey mepurung meenget te menge etew heini is baley ku.