Lucas 13:30 - Manobo Western Bukidnon

³⁰ Duen guntaan menge etew he kunaan niw ke egkengehuziyan su kenà menge zuma niw he Hudiyu, iyan, emun egkeume en haazà he andew ne iyan sikandan egkehuna te langun he edhedian te Megbavayà. Ne zuen daan menge etew g̵untaan he kunaan niw ke egkengehuna, iyan, emun egkeume en haazà he andew ne iyan sikandan egkengehuziyan te langun.”

Lucas 13:30 Referans Kwoze

Mateo 19:30

Iyan, mezakel is menge etew g̵untaan he henduen be te zekelà is pid-etawan dan, iyan, utew minus is pid-etawan dan keuzemà. Ne mezakel zaan is etew g̵untaan he utew minus is pid-etawan dan, iyan, keuzemà, utew zekelà is pid-etawan dan,” ke sikandin.

Marcos 10:31

Mezakel is menge etew g̵untaan he henduen be te zekelà is pid-etawan dan, iyan, utew minus is pid-etawan dan keuzemà. Ne mezakel zaan is etew g̵untaan he utew minus is pid-etawan dan, iyan, keuzemà, dekelà is pid-etawan dan,” ke sikandin.

Mateo 20:16

Ne migkag̵i si Jesus te, “Is egkengehuziyan guntaan ne iyan egkengehuna keuzemà, ne sikan is egkengehuna g̵untaan ne iyan maan egkengehuziyan keuzemà.”