Lucas 11:16 - Manobo Western Bukidnon

¹⁶ Ne zuen pa zutun menge etew he egezaman dan si Jesus. Midhangyù dan he ibpeehè din is egkein-inuwan su ed-ahaan dan ke tutuu ve he midsug̵ù sikandin te Megbevayà.

Lucas 11:16 Referans Kwoze

Juan 6:30

Ne zutun migkeg̵iyan dan en maan te, “Hengkey is egkein-inuwan he igkepeehè nu kenami wey key meketuu kenikew?

1 Kurintu 1:22

Is menge etew he Hudiyu, kenè dan edtuu ke kenè dan egkeahà is menge egkengein-inuwan he tuus te g̵ehem te Megbevayà. Is menge etew he Gerisyahanen, iyan edserig̵an dan is metau he ed-isip.

Lucas 11:29

Ne zutun hein egkengehasekhasek en is utew mezakel he menge etew he ed-uvey ziyà te ki Jesus, migkag̵i sikandin diyà te kandan te, “Sikiyu is menge etew g̵untaan, utew mezaat is menge ulaula niw. Egkesuatan niw he meehè niw is singyal he ebpuun te Megbevayà diyà te langit he tuus he midsug̵ù e zin, iyan, iyan dà singyal he ibpaahà keniyu is iring te impeulaula zengan duen te tipehuna he ebpeneuven he si Jonas.

Juan 8:6

Iyan ingkeg̵iya zan dutun su ebpen-ahaan dan si Jesus te sayep su wey zan ikesumbung sikandin. Iyan, midtikintikin si Jesus dutun, ne insurat din is tezù din diyà te tanà.