Lucas 1:80 - Manobo Western Bukidnon

⁸⁰ Ne haazà is anak ni Zacarias, midtulin ne mid-iseg daan is ketau zin te ked-isip. Ne hein nekeiseg-iseg en is kezekelè din ne midhendiyà sikandin te tanà he kenè ed-ubpaan te etew ne zutun med-ubpà taman te neuma haazà is timpu te kebpenurù din te menge kezuzumahi zin he kevuwazan ni Israyil mehitenged te Lalag te Megbevayà.

Lucas 1:80 Referans Kwoze

Lucas 2:40

Ne midekelà haazà is batà ne mibmezesen is lawa zin, ne utew sikandin metau he vatà ne midtuvazan sikandin te Megbevayà.

Lucas 2:52

Ne midtulin is lawa ni Jesus ne mid-iseg is ketau zin te ked-isip. Inmeupiya sikandin te g̵ehinawa te Megbevayà ne henduen ded daan is etew.

Mateo 3:1

Mibpenlavey is menge tuig dutun ne zuen etew he egngezanan ki Juan Megbebewtismu. Diyà sikandin te tanà he wazà duen ed-ubpà he etew seled te prubinsya he Hudiya. Ne impesavut din te menge etew is Lalag te Megbevayà.

Juan 1:31

Hein aney,” ke si Juan, “wazè ku metueni ke hentei sikandin, iyan, umba ebpemewtismu a su wey metueni te menge zuma tew he menge kevuwazan ni Israyil he meg̵aan sikandin ebpekeuma.”

Lucas 1:15

su utew zekelà is pid-etawan din sumalà is ked-isipa kandin te Nengazen. Kenà sikandin ed-inum te vinu wey minsan hengkey he ebpekelangut. Ne puun dà dutun te kenè pa sikandin id-anak egkepurung sikandin egkeulini te Wag̵as he Mulin-ulin.

Mateo 11:7

Ne hein nekeg̵enat en haazà is menge sumusundan ni Juan, migkag̵i si Jesus diyà te mezakel he nengetig̵um he menge etew, ke sikandin te, “Hein midhilesung niw si Juan diyà te tanà he wazà duen ed-ubpà he etew, hengkey is inhilesunga niw kandin? Iyan be ed-ahaan niw is etew he iring te sagbet he egkengewaleng te keramag? Kenà iyan haazà su kenà egkehalinhalin is gehinawa ni Juan.

Nengeulaula 18:28

Su utew mezesen is menge ketezengan din dutun te insurat he Lalag te Megbevayà he iyan si Jesus sikan is mibpilì te Megbevayà he ibpahadì. Ne pinaag̵i zutun, diyà te etuvangan te mezakel he menge etew, nezaag din is menge Hudiyu he mibpekidibati kandin.