Lucas 1:65 - Manobo Western Bukidnon

⁶⁵ Ne is langun he menge siringan dan, hein nezineg dan heini, utew zan nengeinuinu. Ne is tudtul zutun te neulaula, segugunà nekeeneb diyà te langun he menge vuvungan he inged he sakup te prubinsya he Hudiya.

Lucas 1:65 Referans Kwoze

Lucas 1:39

Ne wazà utew zutun meug̵et mibpenines si Maria ne migaanggaan megenat su edhendiyà te sevaha he inged he vuvungan he sakup te prubinsya he Hudiya.

Nengeulaula 5:11

Ne tenged dutun utew en nengehandek is langun he menge tumutuu wey minsan hentei he nekezineg dutun te neulaula.

Nengeulaula 5:5

Ne te kegkezineg̵a ni Eneniyas kayi he lalag, midsilutan te Megbevayà ne zutundutun nepiley sikandin ne minatey. Ne zutun mibeyaan sikandin te menge menguhed he maama ne mibukusan dan is lawa zin ne mid-uwit dan ne inleveng dan. Ne utew nengehandek is langun he nekezineg kayi te neulaula.

Nengeulaula 2:43

Mezakel is menge egkein-inuwan wey singyal he nehimu pinaag̵i te menge epustul, umba neteg̵uan is menge etew te kegkehandek te Megbevayà.

Lucas 7:16

Ne is langun he nemekeahà dutun, ne utew zan nengehandek ne nezalig dan is Megbevayà, ke sikandan te, “Heini en te kenitew is utew lavew he ebpeneuven te Megbevayà!” Ne ke sikandan daan te, “Mibulus en is Megbevayà su wey kiw melibri is menge nengepilì din he etew!”

Impezayag 11:11

Ne zutun hein neipus haazà is tetelu wey liwazà he andew, haazà is dezuwa he menwewali, mibeg̵ayan sikandan te Megbevayà te g̵ehinawa ne nevanhew ne midhitindeg dan. Ne utew nengehandek is langun he nekeahà dutun.

Nengeulaula 19:17

Ne is langun he menge etew he tig-Ipisu, menge Hudiyu wey se kenà Hudiyu, nezineg dan haazà is tudtul mehitenged dutun ne nengehandek dan ne mid-iseg is kedtahud dan te ngazan te Nengazen tew he si Jesus.

Mateo 2:1

Diyà si Jesus ianak te inged he Bitlihim, te prubinsya he Hudiya zutun te timpu te kedhadì te aney en he hadì he egngezanan ki Hirudis. Ne zutun te vatè pa utew si Jesus, nekeuma ziyà te Hiruselim is menge memimituen. Diyà sikandan ebpuun te meziyù he inged diyà te edsilaan.

Lucas 5:26

Ne is langun he menge etew zutun ne nengeherat is mata zan, ne utew zan nengeinuinu ne midalig dan is Megbevayà, ne ke sikandan te, “Heini is neehè tew g̵untaan, ne utew egkein-inuwi!”

Lucas 2:18

Ne langun dutun te nekezineg kayi te tudtul te menge mibpemepenabtab, ne utew zan nengeinuinu.