Kulusas 3:7 - Manobo Western Bukidnon

⁷ Ne iring kayi zaan is mid-ulaula niw zengan su zutun layun mezaat is menge ulaula niw.

Kulusas 3:7 Referans Kwoze

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

1 Kurintu 6:11

Iring kayi is ulaula zengan te zuma keniyu, iyan, guntaan, nelumpiyuwan kew en te menge ulaula niw he mezaat ne nehimu kew en he menge g̵aked te Megbevaya. Ne pinaag̵i te g̵ehem te ngazan te Nengazen tew he si Jesu Kristu wey pinaag̵i te ked-ulini keniyu te Wag̵as he Mulin-ulin he ebpuun te Megbevayè tew, mid-isip kew en he metazang te Megbevayà.

Kulusas 2:13

Ne sikiyu, wazè niw pa zengan untung he wazè din pidtemanan tenged te memezaat is menge ulaula niw te kenà menge Hudiyu wey tenged te midtuman niw is memezaat he kebayà te lawa niw. Ne minsan pa zutun, mibeg̵ayan kew te Megbevayà te untung he wazè din pidtemanan ne nevanhew kew en duma ki Kristu. Mibpesaylu kiw te Megbevayà te langun he menge salè tew.

Ruma 7:5

Su zengan hein kemulu tew pa edtumana is kenitew he kebayà, duen menge ulaula he indawey te kesug̵uan, ne tenged te indawey heini, ne nasì nehimu he iyan daan heini utew tew egkesuatan te ed-ulaula. Ne tenged te mid-ulaula tew is iring dutun, iyan dà egkepaabut tew zengan is kemetayen he wazè din pidtemanan.