Kulusas 1:18 - Manobo Western Bukidnon

¹⁸ Wey tenged te iyan sikandin ebayàbayà te lawa zin, he ke và dà egkeg̵iya, is langun he menge tumutuu kandin, wey tenged daan te iyan sikandin ebeg̵ey te untung diyà te langun he menge tumutuu su iyan sikandin lavew te langun he egkengevanhew ne tenged kayi iyan sikandin lavew te minsan hengkey.

Kulusas 1:18 Referans Kwoze

Nengeulaula 26:23

su netuman en is netagnè dan he is mibpilì te Megbevayà he ibpahadì, kinahanglan he edresayen wey edhimetayan. Ne netagnè dan daan he iyan sikandin egkehuna he egkevanhew ne edtudtulan din is menge Hudiyu wey is kenà menge Hudiyu he egketeyawan is isip dan te tutuu he tuluuwen.”

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

1 Kurintu 11:3

Ne zuen ku pa ibpesavut keniyu. Iyan is: iyan ebayàbayà te maama si Kristu. Ne is maama, ebeyveyaan din is esawa zin ne iyan ebayàbayà ki Kristu is Megbevayà.

Impezayag 22:13

Iyan a sikan is alpa wey umiga, he ke và dà egkeg̵iya, kes ebpuunan wey kes egkepengkusan te minsan hengkey,” ke si Jesus.

Ipisu 5:23

Su is maama, duen din keg̵ehem te kebayàbayà te esawa zin, iring te si Kristu, duen keg̵ehem din te kebayàbayà kenitew te langun he menge tumutuu he iyan lawa zin. Midlibri kiw zin te silut is lawa zin.

Impezayag 21:6

Ne ke sikandin en maan te, “Netuman en heini is langun. Siak, iyan a kes alpa wey umiga, he ke và dà egkeg̵iya, kes puunà wey egkepengkusan te minsan hengkey. Ke zuen egkemezahan, ibpeinum ku sikandin diyà te serebseb he zutun ebpuun is wahig he ebpekeveg̵ey te untung he wazà pidtemanan ne kenè ku sikandin ibpevayad.

1 Kurintu 15:25

Ne te kenè pa haazà egkeulaula, kinahanglan he edhadì dè pa si Kristu taman te timpu he ed-eminen din edaag̵a is menge kuntada zin.

Impezayag 11:15

Ne zutun midhiyup te ikepitu he velinsug̵uen is budyung din ne ziyà te langit nezineg is memezag̵ing he lag̵eng he edhenduen te, “Is kedhedii te tivuuk he menusiyà, ne ziyè en guntaan te Nengazen tew wey ziyà te hadì he mibpilì din. Ne heini he hadì, ebpekehadì sikandin te wazà pidtemanan.”

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Impezayag 1:8

Is Nengazen tew he Megbevayà he mekeg̵eg̵ehem he zaan en te wazè pa limbag̵a is minsan hengkey, iyan ded sikandin guntaan wey minsan keuzemà te wazà pidtemanan. Ke sikandin te, “Iyan a sikan is alpa wey umiga, he ke và dà egkeg̵iya, kes puunà wey egkepengkusan te minsan hengkey.”

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

Ipisu 1:10

edhimuwen din heini zutun te hustu he timpu. Su mid-isip te Megbevayà he zutun edhimuwen din he sebsevaha zà si Kristu he ebayàbayà te minsan hengkey he linimbag diyà te langit wey zini te tanà.

Juan 1:27

he ebpekeuma he huziyan kediey he utew lavew kenà siak. Siak, minsan is kebpul-ut dà te sepatus din, kenè e pa zait he sulug̵uen din,” ke si Juan.

Juan 1:16

Ne g̵eina te utew sikandin belig̵eg̵awen kenà egketapus is menge meupiya he idtuvad din kenitew te langun.

Juan 1:1

Dengan te wazè pa limbag̵a is minsan hengkey, daan en is migeraran te Lalag te Megbevayà. Heini is Lalag te Megbevayà, daan sikandin he zuma te Megbevayà ne iyan en Megbevayà.

Impezayag 3:14

Ne ke sikandin maan te, “Pesurati nu is belinsug̵uen te Megbevayà he ebantey te menge tumutuu ziyà te inged he Leudisiya, ne ke sikew te, ‘Siak si Jesus is egkag̵i; migeraran a te Metinumanen wey Egkeserig̵an su venar is egkeg̵iyen ku. Pinaag̵i kedì midlimbag te Megbevayà is minsan hengkey.

1 Juan 1:1

Ebpesuratan ku sikiyu mehitenged ki Kristu. Migeraran sikandin te Lalag he ebpekeveg̵ey te wazà pidtemanan he untung. Daan en sikandin te wazè pa tukuza is kelibutan. Ne minsan pa zutun neehè dey sikandin ne nekepemineg key te migkag̵i zin. Neehè dey ne neg̵ewezan dey sikandin.

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.

Mateo 23:8

Kenè niw itug̵ut he iyan id-umew keniyu is ‘menunudlù’ su teltelesuled kew is langun ne sebsevaha zà is menunudlù niw he iyan a.

1 Kurintu 12:27

Iyan kehulug̵an kayi te langun is: sikitew is menge tumutuu, ne menge parti kiw te lawa ni Kristu.

Kulusas 2:19

Ne wazè dan en upakat ki Kristu he iyan ed-uwit kenitew. Iyan si Kristu puunà te zesen te kedtuu tew ne pinaag̵i kandin ed-iseg is kezesen te upakat tew te langun he tumutuu sumalà is egkesuatan te Megbevayà, iring te lawa tew, ne ed-iseg daan is desen din ne kenè ebpekedsusuwey pinaag̵i te kegkevagkes kayi zutun te menge ug̵at din.