Juan 9:39 - Manobo Western Bukidnon

³⁹ Ne migkag̵i si Jesus diyà te kandin te, “Umba midhendini a te kelibutan su wey mesusi is nengeulaula te menge etew. Ne is etew he netuenan din he lakap is kedsavut din, ebewian ku wey mebmeupiya is kedsavut din. Ne is etew he egkeg̵iyen din he kenà lakap is kedsavut din, utew pa ed-iseg is kegkelakap te kedsavut din.”

Juan 9:39 Referans Kwoze

Juan 3:19

Umba edsilutan sikandin su hein nekeuma a is migeraran te kerayag dini te kelibutan, midtumù din is kerusireman, he ke và dà egkeg̵iya, is kedsupaka te Megbevayà, kenà is kerayag su mezaat is ed-ul-ulahan din.

Juan 12:46

Umba midhendini a is kerayag te kelibutan su wey ku meteyawi is isip te menge etew. Ne ke zuen edtuu kedì, kenè en egkerusireman is isip din.

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

1 Juan 2:11

Iyan, is etew he ebpekigkuntada te zuma zin, kemulu pa is isip din diyà te kerusireman ne mezaat pa is menge ulaula zin. Iring sikandin te etew he kenè din egketuenan ke hendei sikandin ebpekepevayà su ziyè pa sikandin te kerusireman.

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.

Lucas 1:79

Henduen be te ziyè kiw ed-ubpà te utew merusirem su utew kiw egkengehandek te silut he iyan is wazè din ketepusan he kemetayen; iyan, emun ebpekeuma is Nengazen tew edteyawan kiw zin te g̵ag̵ew zin. Ne ibpeehè din kenitew is paag̵i wey ebmelinawen is ked-ubpè tew,” ke si Zacarias.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

2 Kurintu 2:16

Ne haazà is menge etew he kenà ebpelibri, is ibpesavut dey kandan ne henduen be te utew memahù su nesavut dan he neangken dan en is kemetayen. Ne haazà mulà is menge etew he ebpelibri ki Kristu, is ibpesavut dey kandan, ne henduen be te utew mehemut su nesavut dan he neangken dan en is untung he wazà pidtemanan. Hentei vuwa is dait te kedsengyawa kayi te tudtul?

Juan 9:25

Ne midtavak is etew te, “Kenè ku egketuenan ke mesinupaken be sikandin wey ke kenà. Iyan dà egketuenan ku is: hein aney, lakap a iyan, ne g̵untaan ebpekaahà ad!”

Juan 8:15

Emun edsusi kew te ulaula te etew, kenà egkeserig̵an is kedhukum niw, su pinaag̵i te kelibutanen dà he isip is kedhukum niw. Siak, kenà a edhukum te minsan hentei.

Juan 3:17

Is Megbevayà, wazè e zin is Anak din sug̵ua zini te kelibutan te kedsilut te menusiyà, kekenà, su wey pinaag̵i kedì melibri is menusiyà.

Lucas 13:30

Duen guntaan menge etew he kunaan niw ke egkengehuziyan su kenà menge zuma niw he Hudiyu, iyan, emun egkeume en haazà he andew ne iyan sikandan egkehuna te langun he edhedian te Megbavayà. Ne zuen daan menge etew g̵untaan he kunaan niw ke egkengehuna, iyan, emun egkeume en haazà he andew ne iyan sikandan egkengehuziyan te langun.”

Lucas 7:21

Ne zutun he andew, mezakel is menge etew he nengeulian ni Jesus te menge zaru wey ebpenggezamen dan. Impemeg̵uwè din dutun te menge etew is menge mezaat he mulin-ulin he ebpenlalung kandan ne midhimu zin he mekeahà is mezakel he menge lakap.

Lucas 2:34

Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Mateo 6:23

Iyan, emun lakap ki, he ke và dà egkeg̵iya, emun lalung ki, ne henduen be te egkezukileman ki. Ne emun nelakap ki tenged te kelelalung ta ne utew merusirem iyan is ibayè ta.

2 Tiselunika 2:10

Edterteruan din te minsan hengkey he kelelalung he paag̵i sikan is menge etew he kenà ebpekelikey te silut. Umba kenè dan ebpekelikey te silut su wazè dan medawat te tutuu he tuluuwen he iyan ebpekeveg̵ey kandan te untung he wazà pidtemanan.

Mateo 15:14

Bey-ani niw en is menge Perisiyu. Iring sikandan te menge lakap. Ne ke zuen lakap he ed-eg̵aken din is sengelelakap, haazà is ebpeeg̵akà, ne pudu egkeulug diyà te vitu.”

Juan 12:31

Is Megbevayà, puun guntaan edhukuman din te silut is tivuuk he menusiyà he kuntada zin, ne egkezaag din en si Setanas, sikan is ebayàbayà dini te kelibutan.