Juan 9:30 - Manobo Western Bukidnon

³⁰ Ne midtavak maan haazà is etew te, “Utew ku heini igkeinuinu! Duen gehem ni Jesus ne mibewian din is menge mata ku, ne minsan pa zutun wazè niw ves metueni ke hendei sikandin ebpuun!

Juan 9:30 Referans Kwoze

Juan 12:37

Minsan pa te mezakel is nengeehè dan he menge egkein-inuwan he mibeelan din, wazè dan sikandin tuuwi.

Juan 3:10

Ne ke si Jesus te, “Punuan ka he menunudlù kayi te menge zuma tew he menge kevuwazan ni Israyil, ne kenè nu ves egkesavut heini is egkeg̵iyen ku?

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Lucas 7:22

Ne migkeg̵iyan ni Jesus haazà is menge sug̵ù ni Juan te, “Likù kew en diyà te ki Juan ne tudtula niw ziyà te kandin is nengeehè niw he mid-ulaula ku wey ke hengkey is nezineg niw he migkag̵i ku. Iyan niw tudtula kandin he tenged kedì ne ebpemekeehè en is menge lakap ne ebpemekehipanew en is menge piang; nengeulian en is menge it-iten wey ebpemekezineg en is menge vengel. Mibanhew ku is nemematey wey impesavut ku ziyà te menge egkengeayuayu is Meupiya he Tudtulanen.

Marcos 6:6

Ne utew neinuinu si Jesus su wazà medtuu kandin is menge etew zutun he inged. Ne zutun midtukid ni Jesus te ebpenurù is menge siringan he inged dutun.

Mateo 21:42

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Juan 9:29

Netuenan dey he zengan midlelag̵an si Moises te Megbevayà, iyan, heini he etew, wazè dey hanew ke hendei sikandin ebpuun.”

Juan 9:31

Netuenan tew he is Megbevayà, kenè din edtevangan is mesinupaken he etew, iyan, ke zuen etew he ed-azap kandin wey edtuman te egkesuatan din, iyan edtevangan din.