Juan 9:22 - Manobo Western Bukidnon

²² Umba iyan haazà tavak dutun te menge g̵inikanan din su nahandek dan te menge punuan he Hudiyu su neuyun en he zaan is menge punuan he ke zuen egkag̵i he iyan si Jesus sikan is mibpilì te Megbevayà he ibpahadì, ne haazà is egkag̵i, kenè dan en ibpeseled te menge simbahan dan.

Juan 9:22 Referans Kwoze

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 7:13

Ne g̵eina te egkengehandek is menge etew te menge egalen dan te menge Hudiyu, kenè dan ibpezineg te zuma pa he etew haazà is menge lalag dan.

Lucas 6:22

Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.

Nengeulaula 5:40

iyan, impeseled dan en maan haazà is menge epustul ne impevug̵el zan. Ne migkeg̵iyan dan haazà is menge epustul he kenè dan ipenurù is kedtuu te ngazan ni Jesus ne zutun impaawè dan.

Nengeulaula 5:13

Ne is kenà menge tumutuu, kenà edtampu kandan su egkengehandek, asal is langun he tigHiruselim, edtehuzen dan is menge tumutuu.

Nengeulaula 4:18

Ne zutun impelikù dan ensi Pedro ne mibpelihandek dan ne migkeg̵iyan dan te, “Kenè niw en maan ipenurù is kedtuu te ngazan ni Jesus.”

Juan 20:19

Ne hein mezukilem dutun te andew he Duminggu, netig̵um haazà is menge sumusundan diyà te sevaha he valey he midlekevan dan su nahandek dan te menge punuan he menge Hudiyu. Ne netekewtekew zan te ziyà si Jesus te teliwazè dan ne ke sikandin te, “Berakat he mebmelinawen kew.”

Juan 19:38

Ne hein nepasad haazà, si Jose he tig-Eremetiya, midhendiyà sikandin te ki Pilatu. (Ne haazà si Jose, sumusundan ni Jesus, iyan, meeles su egkehandek te menge punuan he menge Hudiyu.) Midhangyù he egkuwaan din is lawa ni Jesus ne midtug̵utan ni Pilatu. Ne mibeyaan ni Jose is lawa ni Jesus ne mid-uwit din.

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 9:18

Ne is menge punuan he menge Hudiyu, wazè dan dutun meketuu he lakap sikandin he neulian. Umba, impetawag dan is iney wey amey zutun te neulian he lakap,

Juan 9:21

Iyan, ke nemenumenu is kebpekeehè din wey ke hentei is nekevawì te menge mata zin, wazè dey metueni. Deyzey ke iyan niw sikandin insai su meg̵urang en sikandin; egkehimu he iyan sikandin edtavak.”

Juan 9:35

Ne nezineg ni Jesus haazà is mid-ulaula te menge punuan he menge Hudiyu zutun te neulian he lakap, ne mibpen-ehè din, ne hein neehè din mid-insaan din te, “Edtuu ke ve te Kakey te Menusiyà?”