Juan 9:16 - Manobo Western Bukidnon

¹⁶ Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.

Juan 9:16 Referans Kwoze

Juan 10:19

Ne hein nezineg te menge Hudiyu heini he penurù ni Jesus, kenè dan en egkengeuyun.

Juan 7:43

Ne zutun kenà egkengeuyun is ked-isipa te menge etew mehitenged ki Jesus.

Juan 7:12

Ne egkesumpakì is mezakel he menge etew he nengetig̵um diyà te inged he Hiruselim. Egkag̵i is duma kandan te, “Meupiya sikandin he etew.” Ne edtavak daan is duma te, “Kenà, su tarù is ibpenurù din te menge etew.”

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Mateo 12:2

Ne naahà haazà te menge Perisiyu ne migkeg̵iyan dan si Jesus te, “Ahaa nu is menge sumusundan nu su edsupaken dan is insug̵ù kenitew te Megbevayà su maan is midlegtey zan kayi te Andew te Kedhimeley.”

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 14:11

Tuu kew te egkeg̵iyen ku he ziyà a te Amey ku ne zini sikandin te kediey. Ne emun kenè kew ebpeketuu kayi tenged dà te migkag̵i ku, tuu kew tenged te menge vaal ku su is menge vaal ku, egkeehè niw zutun he tutuu is egkeg̵iyen ku keniyu.

Juan 9:24

Ne zutun mid-umanan dan umawa haazà is neulian he lakap ne migkeg̵iyan dan te, “Iyan nu keg̵iya is tutuu su kayi ka te etuvangan te Megbevayà. Netuenan dey he heini si Jesus, mesinupaken sikandin te sug̵ù te Megbevayà.”

Juan 6:52

Ne zutun egkesumpakì is menge punuan he menge Hudiyu. Ke sikandan te, “Ebmenmenuwen kayi te etew is kebeg̵aya zin kenitew te lawa zin su wey tew mekaan?”

Juan 5:36

Iyan, duen kebpenistig̵us he lavew pa kenà is ki Juan, su is langun he mibpeveelan kediey te Amey ku he Megbevayà he ed-ul-ulahan ku, iyan edtistig̵us he midsug̵ù a te Amey ku he Megbevayà.

Nengeulaula 14:4

Ne nengevahinbahin is menge etew zutun te Ikunya. Is duma, edlevanan dan haazà is dezuwa he epustul, ne is duma, ne ziyè dan te menge Hudiyu.

Mateo 12:10

Ne zutun te seled te simbahan, duen etew he minatey is menge ug̵at te zivaluy he velad din. Duen daan dutun menge etew he ebpen-ahà te paag̵i he ikesumbung dan si Jesus he nekesupak te kesug̵uan. Ne mid-insaan dan sikandin te, “Emun Andew te Kedhimeley, ke ebewian ta is egkezeruwan wey meulii, ebpekesupak ki ve te kesug̵uan?”

Lucas 13:14

Ne is egalen dutun te simbahan, utew nepauk dutun te kebpemawì ni Jesus dutun te Andew te Kedhimeley. Ne ke sikandin diyà te menge etew te, “Seled te heenem he andew is kedterebahu tew te sengesimana. Emun ebpevawì kew zutun he timpu ne meupiya, iyan, kenè kew pevawì guntaan te Andew te Kedhimeley!”

Juan 2:11

Iyan haazà nehuna he egkein-inuwan he mibeelan ni Jesus; midhimu zin diyà te inged he Kana ziyà te prubinsya he Geliliya, ne pinaag̵i zutun impeehè din is dekelà he g̵ehem din ne midtuu kandin is menge sumusundan din.

Juan 5:10

Umba, haazà is etew he neulian, nepeukan sikandin te menge punuan he Hudiyu; ke sikandan te, “Iyan heini Andew te Kedhimeley ne ebpekesupak ka te kesug̵uan tew ke ed-uwiten nu heeyan is ikam.”

Juan 7:23

Ne emun egkehimu he edsirkunsidaren is lawa te etew te timpu te Andew te Kedhimeley su wey kenà mesupak is insug̵ù kenitew ni Moises, maan is egkepeukan a keniyu tenged te neulian ku is tivuuk he lawa te etew zutun te timpu te Andew te Kedhimeley?