Juan 8:59 - Manobo Western Bukidnon

⁵⁹ Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.

Juan 8:59 Referans Kwoze

Juan 11:8

Ne migkeg̵iyan sikandin te menge sumusundan din te, “Menunudlù, deyzey ke kenè ka edlikù diyà te Hudiya su wazè pa mepirai he edhimetayan ka pezem te menge Hudiyu.”

Nengeulaula 7:57

Ne zutun haazà is menge punuan, nekekulahì dan ne midsabpeng dan is telinga zan su wey kenè dan en mezineg is menge lalag ni Esteban ne midlingketawan dan.

Juan 18:31

Ne midtavak si Pilatu te, “Kuwaa niw sikandin dini su iyan kew susi kandin sumalà is ibpenurù te kesug̵uan niw.” Ne migkag̵i is menge Hudiyu te, “Wazà itug̵ut kenami te velaud niw te menge Rumanu is kedhukum te kemetayen.”

Juan 12:36

Siak is kerayag. Te kemulu e pa zini te keniyu, sarig kew kediey te kerayag su wey layun meteyawi is isip niw.” Ne zutun te nekag̵i ni Jesus haazà, mid-ewaan din haazà is mezakel he menge etew ne mid-eles sikandin.

Juan 11:54

Ne tenged dutun wazè en maan si Jesus mebpeg̵awag̵awa zutun te menge inged te menge Hudiyu, kekenà, midhendiyà te inged he egngezanan te Ipraim he uvey te tanà he kenà ed-ubpaan te etew. Ne zutun sikandin med-ubpà duma te menge sumusundan din.

Juan 5:13

Iyan, wazà mekilala si Jesus dutun te etew he neulian su medmezakel is nengetig̵um he menge etew zutun ne wazè en dutun si Jesus.

Lucas 24:31

Ne zutun, human dan mekilala si Jesus su nemelmeleg̵an dan te ed-ahà. Iyan, netekew maawà dutun si Jesus diyà te ked-ehè dan.

Mateo 12:14

Ne mid-awà dutun is menge Perisiyu ne mibpelelelag̵è dan ke hengkey is paag̵i he mehimu zan he mepatey si Jesus.

Juan 9:1

Ne zutun te kedhiphipanew ni Jesus, neehè din is etew he puun pa te ked-enaka kandin ne lakap en.