Juan 8:37 - Manobo Western Bukidnon

³⁷ Netuenan ku he menge kevuwazan kew ni Abraham; ne minsan pa zutun edhimetayan a pezem keniyu su kenà ed-ereg diyà te g̵ehinawa niw is ibpenurù ku keniyu.

Juan 8:37 Referans Kwoze

1 Kurintu 2:14

Ne is etew he wazà diyà te kandin is Wag̵as he Mulin-ulin, kenè din edewaten is ibpenurù te Wag̵as he Mulin-ulin su wazà pulus kayi ziyà te kandin, ne kenè din daan egkesavut su iyan dà ebpekeseysey kayi ziyà te kandin is Wag̵as he Mulin-ulin.

Ruma 9:7

Is langun he egngezanan he menge kevuwazan ni Abraham, kenà daan langun te sikandan ed-isipen te Megbevayà he tutuu he menge kevuwazan ni Abraham, he ke và dà egkeg̵iya, kenè dan is langun ebpekezawat te impenaad te Megbevayà. Su migkag̵i zengan is Megbevayà diyà te ki Abraham, ke sikandin te, “Pinaag̵i zà ki Isaak is tutuu he kevuwazan nu.”

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 8:59

Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.

Nengeulaula 13:26

Ne menge suled,” ke si Pablo, “sikiyu is menge zuma ku he kevuwazan ni Israyil wey kevuwazan ni Abraham, wey sikiyu zaan is kenà Hudiyu he ed-azap daan te Megbevayà, iyan kiw kes mibpeuwitan te Megbevayà te Meupiya he Tudtulanen wey kiw melibri te kedsiluti kenitew.

Juan 8:43

Umba kenè kew ebpekesavut te egkeg̵iyen ku su kenè niw egkesuatan te edtuman is ibpenurù ku.

Juan 11:53

Ne puun dutun he andew, ebpengahaan te menge punuan is paag̵i wey zan mehimetayi si Jesus.

Juan 7:19

Is apù tew zengan he si Moises, iyan mibeg̵ey keniyu te menge kesug̵uan. Ne netuenan ku he wazà minsan sevaha keniyu he edtuman te kesug̵uan su maan is egkeisip niw he edhimetayan a keniyu?”

Juan 10:31

Ne hein nezineg haazà te menge Hudiyu mibpengamì dan en maan te menge vatu he idtuleng dan kandin su edhimetayan dan pezem.

Juan 8:6

Iyan ingkeg̵iya zan dutun su ebpen-ahaan dan si Jesus te sayep su wey zan ikesumbung sikandin. Iyan, midtikintikin si Jesus dutun, ne insurat din is tezù din diyà te tanà.

Juan 7:25

Ne is duma te menge etew zutun te inged he Hiruselim, hein nezineg dan haazà is migkag̵i ni Jesus, migkag̵i sikandan te, “Kenè be iyan heini sikan is etew he ebpen-ahaan te menge punuan wey zan mehimetayi?

Juan 5:44

Egkemenumenu is hustu he kebpeketuu niw emun ebpengahaan niw te kada sevaha is kegkezelig̵i keniyu te menge zuma niw, ne is kegkezelig̵i pezem keniyu te sebsevaha zà he Megbevayà, kenè niw egkesuatan?

Mateo 13:15

Su heini he menge etew, midmezesen is isip dan. Edsebpengen dan is telinga zan, edlipezengen dan is menge mata zan. Su emun kenà, ebpekeehè dan ne ebpekezineg dan, ne egkesavut dan is hustu ne edsarig dan kedì ne edlibriyen ku sikandan.’ ”

Juan 8:33

Ne midtavak dutun is menge punuan te, “Iyan kepuun dey si Abraham, ne wazè key meuripen te minsan hentei; maan is migkag̵i nu he egkevelukasan key?”

Mateo 3:9

Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, egkehimu he ebeelan din heini is menge vatu he kevuwazan ni Abraham.

Juan 8:56

Sikan is kepuun niw he si Abraham, utew sikandin nelipey zengan su netuenan din he ibpehendini a te kelibutan umba nelipey sikandin su ebpeebuten e zin.”

1 Juan 2:14

Sikiyu is menge vatà, ebpesuratan ku sikiyu su menge emig̵u kew en te Amey tew he Megbevayà. Iyan ibpesurati ku keniyu te menge meg̵urang is: tenged te emig̵u kew en ni Kristu. Daan en sikandin te wazè pa limbag̵a is minsan hengkey. Iyan ibpesurati ku keniyu te menge menguhed su mevig̵er en is kedtuu niw ne kenà egkeawà diyan te isip niw is Lalag te Megbevayà, wey nezaag niw en si Setanas.