Juan 7:6 - Manobo Western Bukidnon

⁶ Ne migkag̵i si Jesus diyà te kandan te, “Wazè pa metuman is hustu he timpu wey ku ikepaahà is menge vaal ku, iyan, sikiyu, layun niw egkeveeli is egkeisip niw he ebeelan niw.

Juan 7:6 Referans Kwoze

Juan 7:8

Huna kew en diyà te pista. Kenè e pa edhendiyà su wazè pa metuman is kedì he timpu te kedhendiyà.”

Juan 2:4

Ne ke si Jesus te, “Inà, kenè ka kedì mebayàbayà su wazè pa metuman is hustu he timpu te kebpaahaa ku te g̵ehem ku zini te menge etew.”

Juan 7:30

Ne edekepen dan pezem si Jesus dutun, iyan, wazà nekeaku he egawed kandin su wazè pa itug̵ut te Megbevayà.

Juan 17:1

Ne hein nekepasad si Jesus dutun he egkag̵i, midlingahà diyà te langit ne ke sikandin te, “Amà, iyan en heini sikan is netagnà he timpu. Ipeehè nu en is dekelà he bentug̵an ku te Anak nu wey ku zaan ikepaahà is kezekelà te kenikew he bentug̵an.

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 8:20

Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.

Mateo 26:18

Ne zutun migkag̵i si Jesus he medhendiyè dan te inged, diyà te etew he zaan he migkag̵i zin kandan ne keg̵iyi zan haazà is etew he egkag̵i is menunudlù tew te, “Meg̵aan en is kebpatey ku; dini key edlavung te menge sumusundan ku su Pista te Kedlevayi heini.”

Nengeulaula 1:7

Ne midtavak si Jesus te, “Iyan dà is Amey tew he Megbevayà duen din keg̵ehem te kegketau ke keenu he timpu egketuman is ebeelan din, ne wazà itug̵ut keniyu is kegketueni kayi.