Juan 7:13 - Manobo Western Bukidnon

¹³ Ne g̵eina te egkengehandek is menge etew te menge egalen dan te menge Hudiyu, kenè dan ibpezineg te zuma pa he etew haazà is menge lalag dan.

Juan 7:13 Referans Kwoze

Juan 9:22

Umba iyan haazà tavak dutun te menge g̵inikanan din su nahandek dan te menge punuan he Hudiyu su neuyun en he zaan is menge punuan he ke zuen egkag̵i he iyan si Jesus sikan is mibpilì te Megbevayà he ibpahadì, ne haazà is egkag̵i, kenè dan en ibpeseled te menge simbahan dan.

Juan 19:38

Ne hein nepasad haazà, si Jose he tig-Eremetiya, midhendiyà sikandin te ki Pilatu. (Ne haazà si Jose, sumusundan ni Jesus, iyan, meeles su egkehandek te menge punuan he menge Hudiyu.) Midhangyù he egkuwaan din is lawa ni Jesus ne midtug̵utan ni Pilatu. Ne mibeyaan ni Jose is lawa ni Jesus ne mid-uwit din.

Juan 20:19

Ne hein mezukilem dutun te andew he Duminggu, netig̵um haazà is menge sumusundan diyà te sevaha he valey he midlekevan dan su nahandek dan te menge punuan he menge Hudiyu. Ne netekewtekew zan te ziyà si Jesus te teliwazè dan ne ke sikandin te, “Berakat he mebmelinawen kew.”

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 7:11

Ne zutun te pista, ebpen-ahaan sikandin te menge punuan he menge Hudiyu. Ke sikandan te, “Hendei vuwa sikandin?”

Juan 7:15

Utew ingkeinuinu sikandin te menge punuan he menge Hudiyu, ne migkag̵i zan te, “Hendei vuwa ebpuun is ketau kayi he etew su kenè man metikang is netunghaan din?”