Juan 6:46 - Manobo Western Bukidnon

⁴⁶ Kenè ku iyan ibpesavut he zuen etew he nekeahà te Megbevayà su siak is midsug̵ù dini te Amey ku he Megbevayà, iyan e zà nekeahà kandin.

Juan 6:46 Referans Kwoze

Juan 1:18

Wazè pa menusiyà he nekeahà te Megbevayà, iyan, sikan is Anak din he vudtung, impetuenan din kenitew is Amey zin he Megbevayà su iyan dan layun telezuma.

Juan 7:29

Netuenan ku mulà ke hentei sikandin, su ziyà a ebpuun te kandin, ne iyan midsug̵ù kedì.”

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

1 Timoteo 6:16

Iyan sikandin wazà kemetayen. Diyà sikandin ed-ubpà te kerayag he kenà egkeuvayan. Wazà etew he nekeahà kandin ne kenà sikandin egkeahà te minsan hentei he etew. Berakat he zelig̵a sikandin wey medhadì sikandin te wazà pidtemanan.

1 Juan 4:12

Wazè pa etew he nekeahà te Megbevayà, iyan, emun egig̵ineg̵awè kiw, ed-ubpà dini te kenitew is Megbevayà, ne egkeheg̵et is kebmahala ta te Megbevayà dini te g̵ehinawa ta.

Kulusas 1:15

Heini is Anak te Megbevayà, ne iyan kebpeg̵awag̵awa te kenà egkeahà he Megbevayà. Is Anak, ne lavew sikandin te minsan hengkey he linimbag din

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 8:55

iyan, wazè niw metueni ke hentei sikandin. Siak mulà, netuenan ku ke hentei sikandin. Ke migkag̵i ku he wazè ku sikandin mekilala, teruen a iring keniyu. Iyan, netuenan ku ke hentei sikandin ne edtumanen ku is menge lalag din kediey.

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

Juan 5:37

Iyan sikandin midsug̵ù kediey ne edtistig̵usan e zin. Wazè niw mezineg is kegkag̵i zin ne wazè niw zaan maahà is dagwey zin.

Juan 14:7

Emun egketuenan niw ke hentei a, egketuenan niw zaan ke hentei is Amey ku. Puun guntaan netuenan niw en ke hentei sikandin su neehè niw en sikandin.”