Juan 6:45 - Manobo Western Bukidnon

⁴⁵ Duen netagnà he insurat dengan te ebpeneuven te Megbevayà he edhenduen te, ‘Ebpenuruen te Megbevayà is tivuuk he menusiyà.’ Umba,” ke si Jesus, “is langun he ebpemineg te ibpenurù kandin te Amey ku he Megbevayà, edsundan kediey.

Juan 6:45 Referans Kwoze

Hibriyuhanen 10:16

“Siak is Nengazen, iyan heini veg̵u en he paag̵i he edtukuzen ku zutun te menge sakup ku keuzemà wey ku sikandan mezawat. Idsurat ku is menge sug̵ù ku ziyà te g̵ehinawa zan wey ziyà te isip dan,” ke sikandin.

1 Tiselunika 4:9

Ne wazè en kinahanglan he ibpenurù ku pa keniyu he mahala niw ziyà te g̵ehinawa niw is menge zuma niw he tumutuu su impenurù en heini keniyu te Megbevayà.

Juan 6:65

Ne impelaus din haazà is egkeg̵iyen din, ke sikandin te, “Tenged kayi egkeg̵iyen ku keniyu he wazà minsan hentei he ebpekesundan kediey emun wazà sikandin ulini te Amey ku he Megbevayà.”

Juan 6:37

Is langun he menge etew he ibeg̵ey kediey te Amey ku he Megbevayà, ebpekesundan dan kediey, ne is edsundan kediey, edewaten ku.

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Ipisu 1:17

Is Megbevayà te Nengazen tew he si Jesu Kristu he iyan daan Amey tew he zait he ebentug̵en, edhengyuan ku layun sikandin he pinaag̵i te Wag̵as he Mulin-ulin, ne iveg̵ey zin keniyu is ketau wey ipeg̵awag̵awa zin keniyu is kegketueni niw te menge ulaula zin.

Juan 10:27

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Lucas 18:31

Ne zutun migkeg̵iyan ni Jesus haazà is sepulù wey zezuwa he menge sumusundan din he medtapid dan ne ke sikandin dutun te, “Netuenan niw he edhendiyè kiw te inged he Hiruselim ne emun ebpekeuma kiw zutun ne sikan is langun he insurat he nengetagnà te ebpemeneuven dengan te Megbevayà mehitenged kedì, ne egkengetuman en.

Lucas 1:70

Is Megbevayà, pinaag̵i te menge ebpemeneuven din dengan,

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Nengeulaula 7:42

Ne zutun mid-iniyug̵an is menge kepuun tew te Megbevayà ne mibpesagdan din sikandan is ed-azap te menge vituen diyà te langit. Ne zuen insurat he Lalag te Megbevayà diyà te libru te ebpemeneuven dengan he edhenduen te, ‘He menge kevuwazan ni Israyil, kenà a iyan sikan is mibpemuhat niw zengan hein seled te kepatan he tuig diyà kew te tanà he wazà duen ed-ubpà he etew, kekenà, selakew is mid-azap niw.

Nengeulaula 13:40

Purungi niw isipa heini su wey kenà mehitavù diyà te keniyu is netagnà dengan he Lalag te Megbevayà he insurat te ebpemeneuven he ke sikandin te,

Pilipus 3:15

Ne is langun te sikitew he meg̵urang en te kedtuu, kinahanglan he iring kayi zaan is isip tew wey g̵ehinawa tew. Iyan, emun kenè kew egkengeuyun ibpetuenan keniyu te Megbevayà is benar.

1 Juan 2:27

Iyan, sikiyu, wazà kinahanglan he zuen selakew pa he ebpenurù keniyu su mibpeulinan kew en ni Kristu te Wag̵as he Mulin-ulin. Pinaag̵i zutun egkesavut niw is langun he ibpesavut keniyu ni Kristu. Tutuu mulà ne kenà tarù haazà is ibpesavut din keniyu umba kinahanglan he hemeni niw is kebpekidsevaha niw kandin sumalà is impenurù en keniyu.