Juan 6:39 - Manobo Western Bukidnon

³⁹ Ne is Amey ku he Megbevayà he midsug̵ù kediey, iyan din egkesuatan is: edlig-enan ku is langun he menge etew he imbeg̵ey zin kediey su wey wazà minsan sevaha kandan he kenà egkeveg̵ayan te untung. Ne ebenhawen ku sikandan keuzemà dutun te ketepusan he andew.

Juan 6:39 Referans Kwoze

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Juan 18:9

(Umba nekag̵i zin heini su egketuman sikan is in-ampù din he egkag̵i te, “Is minsan sevaha zà te menge etew he imbeg̵ey nu kediey, wazà netazin.”)

Juan 6:54

Su is egkaan te lawa ku wey ed-inum te lengesa ku, nekeangken en te untung he wazà pidtemanan ne ebenhawen ku sikandin keuzemà dutun te ketepusan he andew;

Juan 6:44

Wazà minsan hentei he ebpekesundan kediey emun wazà sikandin ulini te Amey ku he iyan midsug̵ù kediey. Ne ke zuen edsundan kediey, ebenhawen ku sikandin keuzemà dutun te ketepusan he andew.

Juan 6:37

Is langun he menge etew he ibeg̵ey kediey te Amey ku he Megbevayà, ebpekesundan dan kediey, ne is edsundan kediey, edewaten ku.

Hudas 1:1

Siak si Hudas is suled ni Santiago wey is sulug̵uen ni Jesu Kristu. Sikiyu is midhimu te Amey tew he Megbevayà he menge tumutuu he menge minahal zin he midlig-enan ni Jesu Kristu, iyan kew ebpesuratan ku.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Mateo 18:14

Iring din ded daan is Amey tew ziyà te langit su kenè din egkesuatan he zuen minsan sevaha zà kayi te menge vatà he kenà egkelibri te silut.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

Juan 5:28

Kenà kew meinuinu kayi su egkeuma is andew keuzemà he zutun is langun he menge minatey, egkezineg dan is ked-umawa ku kandan

Mateo 10:15

Kenè niw lipati heini he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma wey te inged he Gumura.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 17:6

Is menge etew he imbeg̵ey nu kediey zini te kelibutan, impesavut ku kandan ke hentei ka. Kenikew sikandan he zaan ne imbeg̵ey nu kediey ne midtuman dan en is insug̵ù nu kandan.

Juan 17:9

Edhengyuan ku sikew tenged kandan; kenè ku sikew edhengyuan he tevangi nu is menge etew he kenà edtuu kedì, kekenà, edhengyuan ku sikew he tevangi nu is menge etew he imbeg̵ey nu kediey su kenikew zaan sikandan.

Juan 17:24

Amà, is menge etew he imbeg̵ey nu kediey, egkesuatan ku he ziyè dan mekeamur te kediey diyà te ed-ubpaan ku keuzemà wey zan maahà is mekeg̵eg̵ehem he anlag ku he imbeg̵ey nu kediey zengan te wazè pa tukuza heini is kelibutan. Umba mibeg̵ayan a kenikew te anlag su mahal a ziyan te g̵ehinawa nu.

1 Kurintu 6:14

Su si Jesus, is Nengazen tew, ne mibanhew sikandin te Megbevayà ne ebenhawen kiw zaan keuzemà te Megbevayà pinaag̵i te zekelà he g̵ehem din.

Santiago 5:15

Is ked-ampù dan, emun hustu is kedsarig dan te Megbevayà, ne iyan igkeulii te egkezeruwan su ebewian sikandin te Nengazen, ne egkepesaylu sikandin te menge salè din.