Juan 5:32 - Manobo Western Bukidnon

³² Iyan, selakew is ebpenistig̵us te menge vaal ku. Iyan is Amey ku ebpenistig̵us kediey, ne netuenan ku he egkeserig̵an is kebpenistig̵us din.

Juan 5:32 Referans Kwoze

Juan 12:50

Netuenan ku he is insug̵ù din kediey he menge lalag, iyan ebpekeveg̵ey te untung he wazà pidtemanan. Ne tenged kayi egkeg̵iyen ku is ibpekag̵i zin kediey.”

Juan 1:33

Ne hein aney zutun,” ke si Juan, “wazè ku pa metueni he iyan sikandin kes netagnà he hadì, iyan, sikan is Megbevayà he iyan midsug̵ù kedì wey a mekepemewtismu pinaag̵i te wahig, migkag̵i kedì he zaan te, ‘Emun egkeehè nu is etew he edtenaan wey kenà ed-ewaan te Wag̵as he Mulin-ulin, iyan en etew he ibpemewtismu zin is Wag̵as he Mulin-ulin.’

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”

Marcos 1:11

Ne zutun nezineg is Megbevayà diyà te langit he egkag̵i te, “Minahal ku sikew he anak ku. Utew ku en sikew igkelipey.”

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Juan 5:34

Kenà a egkinahanglan he zuen etew zà duen he ebpenistig̵us kediey, iyan, midhimu ku he metenuzi niw is kebpenistig̵us ni Juan su wey kew meketuu kediey ne egkeveg̵ayan kew te untung.