Juan 5:29 - Manobo Western Bukidnon

²⁹ ne egkengevanhew zan. Ne is nemekevaal mulà te meupiya, duen dan untung he wazà pidtemanan. Ne is nemekevaal te mezaat, egkengevanhew sikandan wey mesiluti.

Juan 5:29 Referans Kwoze

Nengeulaula 24:15

Is edtuuwan kayi te menge etew, edtuuwan ku zaan su edtuu a he is Megbevayà, ebenhawen din keuzemà is langun he etew, se meupiya is ulaula zin se mezaat is ulaula zin.

Lucas 14:14

Ne emun iyan heini ulaula nu ne utew zekelà is kelipey nu su kenè dan ebpekesambey he ed-umbita kenikew ne kenè dan egkevelesan is meupiya he mid-ulaula nu kandan, ne iyan is Megbevayà ebales kenikew te utew meupiya he egkeulaula zutun keuzemà te kegkengevanhew te menge etew he memeupiya is ulaula.”

1 Timoteo 6:18

Keg̵iyi nu is menge sepian he tumutuu he hemeni zan ul-ulaha is meupiya su iyan heini hustu he ketig̵eyunan. Mebmetulanged dan wey mebmetinevangen.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

1 Pedro 3:11

Engkezi zin en is memezaat he ulaula ne layun meupiya is menge ulaula zin. Layun din pen-ahaa is melinawen he kedepitè dan te menge zuma zin.

Hibriyuhanen 10:27

Is etew he iyan heini ulaula zin, ne iyan egkepengkusan din is mekelimlimezang he hukum kandin wey is utew meinit he hapuy he iyan idsilut te Megbevayà dutun te langun he edsukul kandin.