Juan 5:14 - Manobo Western Bukidnon

¹⁴ Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Juan 5:14 Referans Kwoze

Juan 8:11

Ne midtavak sikan is bahi te, “Wazè en, su migenat dan en.” Ne migkag̵i si Jesus te, “Siak, kenà a zaan edhukum kenikew te kemetayen. Ulì ke en ne kenè kad maan mebaal te mezaat.”

Mateo 12:45

Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew kenà te nehuna he kebpekesavuk din. Iring dutun is egkeulaula te menge etew g̵untaan su ed-iseg ebmezaat is kebpekesavuk dan.”

Marcos 2:5

Ne si Jesus, hein nesavut din he zekelà is kedsarig dan kandin, migkeg̵iyan din haazà is etew he minatey is divaluy he lawa zin te, “Mama, nepesaylu en is menge salè nu.”

Juan 5:5

Ne zuen dutun etew he neug̵et en he egkezeruwan su ketluan en wey walu he tuig is kegkezeruwi zin.

1 Pedro 4:3

Su kinahanglan he kenè niw en maan ul-ulaha sikan is mezaat he ed-ul-ulahan he egkesuatan te menge etew he wazà medtuu te Megbevayà. Su zengan meremerik is ulaula niw; mezaat is egkesuatan te lawa niw; lelenguten kew ne mezaat is kelenganan he ibpelepew niw ziyà te menge keemuran he zutun kew ebpenginum. Utew kew egkeepesi te Megbevayà su kenà tutuu he megbevayà is ed-ezapen niw.

Juan 5:13

Iyan, wazà mekilala si Jesus dutun te etew he neulian su medmezakel is nengetig̵um he menge etew zutun ne wazè en dutun si Jesus.