Juan 4:34 - Manobo Western Bukidnon

³⁴ “Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 4:34 Referans Kwoze

Juan 6:38

Iyan igkeg̵iya ku kayi keniyu su midhendini a he ebpuun te langit wey ku metuman is egkesuatan te Megbevayà he midsug̵ù kediey; kenè ku iyan edtumanen is kediey zà he egkesuatan.

Juan 5:30

Wazà egkehimu ku te sebsevaha ku; su is paag̵i te kedsusiya ku te nengeveelan te menusiyà, impenurù kediey te Amey ku he Megbevayà. Ne metazeng mulà is kediey he kedsusi kandan su kenè ku ebpengahaan is kediey he egkesuatan, kekenà, is egkesuatan te Amey ku he midsug̵ù kediey.

Juan 17:4

Dini te kelibutan, impeehè ku is utew zekelà he bentug̵an nu su is menge vaal he insug̵ù nu kediey, nepasad ku en.

Juan 19:30

Ne hein nesupsup ni Jesus haazà, migkag̵i te, “Nepasad ku en is langun.” Ne midungul ne zutun minatey.

Mateo 26:39

Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Juan 5:36

Iyan, duen kebpenistig̵us he lavew pa kenà is ki Juan, su is langun he mibpeveelan kediey te Amey ku he Megbevayà he ed-ul-ulahan ku, iyan edtistig̵us he midsug̵ù a te Amey ku he Megbevayà.

Juan 4:32

Ne midtavak si Jesus te, “Duen egkeenen ku he wazè niw metueni.”

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

Lucas 15:10

Ne migkag̵i si Jesus med-uman te, “Egkeg̵iyen ku keniyu he iring kayi is kedlipey ziyà te langit te menge velinsug̵uen te Megbevayà emun duen sevaha he mesinupaken he ed-iniyug̵an din is memezaat he ulaula zin.”

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

Juan 6:33

Sikan is egkeenen he ibeg̵ey te Megbevayà, ebpenaug he ebpuun te langit ne iyan ebpekeveg̵ey te untung diyà te tivuuk he menusiyà.”

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Lucas 2:49

Ne midtavak si Jesus te, “Maan is ebpen-ahaan a keniyu? Wazè niw ve metueni he kinahanglan he zini a te valey te Amey ku?”

Juan 8:29

Ne is Amey ku he midsug̵ù kedì, duma ku zaan; kenè e zin ed-ewaan su kenà a ed-engked he edtuman te egkesuatan din.”

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Mateo 9:19

Ne midhitindeg si Jesus ne miduma kandin, ne miduma zaan is menge sumusundan ni Jesus.