Juan 3:35 - Manobo Western Bukidnon

³⁵ Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

Juan 3:35 Referans Kwoze

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Juan 5:22

Is Amey ku, kenà iyan sikandin edsusi keuzemà te nengeveelan te tivuuk he menusiyà su siak is anak din, mibeg̵ayan e zin te ketenged te kedsusi te nengeveelan te menusiyà,

Juan 5:20

Siak is Anak din, utew a mahal ziyà te g̵ehinawa te Amey ku, ne ibpeehè din kediey is langun he ebeelan din. Ne kenà duen dà taman su keuzemà, lavew pa he mekeg̵eg̵ehem is ibpenurù din kediey, ne ebeelan ku wey kew meinuinu.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Ipisu 1:22

Ne is Megbevayà, midhimu zin he sakup ni Kristu is minsan hengkey he linimbag. Umba midhimu zin si Kristu he egalen te minsan hengkey su wey kiw metevangi is langun he menge tumutuu.

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

1 Pedro 3:22

Diyà si Jesus med-ulì te langit ne g̵untaan diyà sikandin ebpimpinuu te zapit te egkekewanan te Megbevayà tuus te utew lavew sikandin. Iyan sikandin ebayàbayà te langun he menge velinsug̵uen te Megbevayà wey te menge kedesenan wey te minsan hentei ziyà te langit he zuen din gehem.

1 Kurintu 15:27

Su zuen insurat he Lalag te Megbevayà he edhenduen te, “Is Megbevayà, ebpehedian din ki Kristu is minsan hengkey.” Ne egketuenan ta he haazà is egkeg̵iyen he “minsan hengkey,” ne wazà iragkes is Megbevayà dutun te minsan hengkey he edhedian ni Kristu.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Juan 17:26

Impesavut ku kandan ke hentei ka ne ibpenigudu ku pa ibpesavut kandan heini su wey mehimu he ziyà a te kandan ne mahal ziyà te g̵ehinawa te uman sevaha kandan is minsan hentei kandan iring te mahal a zaan diyan te g̵ehinawa nu.”

Juan 17:23

Su ziyà a te kandan ne zini ka zaan te kedì wey mehustu is kegkesevaha te isip dan su wey metueni te tivuuk he menusiyà he midsug̵ù a kenikew, ne wey metueni zaan te menusiyà he mahal sikandan diyan te g̵ehinawa nu iring daan te mahal a ziyan te g̵ehinawa nu.

Juan 15:9

Iring te mahal a ziyà te g̵ehinawa te Amey ku, mahal kew zaan dini te g̵ehinawa ku. Hemeni niw is kebmahala ku keniyu zini te g̵ehinawa ku.

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”