Juan 3:28 - Manobo Western Bukidnon

²⁸ Iyan kew ebpeketistig̵us he migkag̵i ku he kenà a iyan sikan is mibpilì te Megbevayà wey mekehadì, kekenà, midsug̵ù a te Megbevayà wey a mehuna mekeuma, ne human sikan is hadì.

Juan 3:28 Referans Kwoze

Juan 1:23

Ne zutun midtavak si Juan. Is tavak din iring te insurat dengan te ebpeneuven he si Esaias. Ke si Juan te, “Iyan a sikan is netagnà he etew he egkezineg is kedwali zin diyà te tanà he wazà duen ed-ubpà. Ke sikandin te, ‘Tendanga niw is ibayà he ed-ikulen te Nengazen.’ ”

Mateo 3:3

Ne si Juan, iyan sikan is netagnà dengan ni Esaias he migkag̵i zin he, “Duen keuzemà etew ziyà te tanà he wazà duen ed-ubpà he etew. Ne zutun egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin.’ ”

Juan 1:25

Mid-insè dan en maan te, “Emun kenè ka iyan sikan is mibpilì te Megbevayà wey mekehadì, ne kenè ka zaan si Elias, wey kenè ka sikan is netagnà he ebpeneuven, maan is ebpemewtismu ka te menge etew?”

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Juan 1:27

he ebpekeuma he huziyan kediey he utew lavew kenà siak. Siak, minsan is kebpul-ut dà te sepatus din, kenè e pa zait he sulug̵uen din,” ke si Juan.