Juan 21:13 - Manobo Western Bukidnon

¹³ Ne migkuwa ni Jesus haazà is supas ne mibpenalad din kandan ne mibpenalad din daan haazà is nengelutù he pait.

Juan 21:13 Referans Kwoze

Juan 21:9

Ne hein nekezunggù dan, neehè dan is mid-ug-ug̵anga he menge vag̵a. Ne zuen dutun supas wey pait he intuug.

Nengeulaula 10:41

Te nevanhew en sikandin wazà pudu mekeahà kandin is menge etew, kekenà, sikami zà is menge tistig̵us he zaan he mibpilì te Megbevayà. Sikami, nekekaan key wey nekeinum key zuma kandin hein nevanhew en sikandin.

Juan 6:9

“Duen kayi vatà he midlulutù te lelima he supas he erina he sibada wey zezuwa he pait, iyan, ebmenuwen tew zè be kayi te utew medmezakel he menge etew!”

Juan 6:11

Ne migkuwa ni Jesus haazà is menge supas ne mibpeselematan din te Megbevayà, ne impepenalad din dutun te impemepinuu he menge etew. Ne iring din ded daan sikan is menge pait, taman te nengehantey haazà is menge etew. Ne minsan pa zutun, wazà maamin haazà is supas wey pait.

Juan 21:10

Ne migkag̵i kandan si Jesus te, “Uwita niw zini is duma he menge pait he neutel niw.”