Juan 2:25 - Manobo Western Bukidnon

²⁵ Ne minsan te wazà edtazem kandin ke hengkey is neseled te g̵ehinawa te menge etew netuenan din en su nesayud sikandin he zaan ke hengkey is gehinawa te menusiyà.

Juan 2:25 Referans Kwoze

Juan 13:11

Umba migkag̵i he wazà melumpiyuwi is sevaha su netuenan din ke hentei is ed-akal kandin wey mehimetayi.

Mateo 9:4

Ne nesavut ni Jesus is diyà te isip dan ne migkeg̵iyan din sikandan te, “Maan is ed-isip kew te mezaat he iring keniyan?

Juan 6:64

Duen duma keniyu he wazà medtuu kediey,” ke si Jesus. (Umba migkag̵i zin haazà su netuenan din he zaan ke hentei is wazà medtuu, ne netuenan din daan ke hentei is ed-akal kandin.)

Juan 6:61

Ne netuenan ni Jesus he zuen menge sumusundan din he neepes te impenurù din, ne ke sikandin diyà te kandan te, “Igkeepes niw ve heini is migkag̵i ku?

Juan 1:42

Ne miduma zin si Simon ne midhendiyè dan te ki Jesus. Ne si Jesus, midtengtengan din si Simon. “Iyan ka si Simon he anak ni Juan. Egeraran ku sikew ki Sipas,” ke si Jesus. (Is gerar he Sipas ne iyan ded sikan is ngazan he Pedro. Ne is kehulug̵an kayi, ne vatu.)

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”