Juan 2:18 - Manobo Western Bukidnon

¹⁸ Ne zutun mid-insaan si Jesus te menge punuan te menge Hudiyu, ke sikandan te, “Duen be egkein-inuwan he igkepeehè nu wey key meketuu he mibeg̵ayan ka te Megbevayà te keg̵ehem he ibpaawè nu heini is menge etew puun kayi te valey zin?”

Juan 2:18 Referans Kwoze

Juan 6:30

Ne zutun migkeg̵iyan dan en maan te, “Hengkey is egkein-inuwan he igkepeehè nu kenami wey key meketuu kenikew?

Nengeulaula 5:28

ke sikandin te, “Imbelaud dey keniyu he kenè niw ipenurù is kedtuu te ngazan ni Jesus. Ne hengkey heini is mid-ulaula niw? Insangyew niw is penurù niw zini te tivuuk he Hiruselim ne kenà taman dà kayi is mid-ulaula niw, kekenà, iyan key pa keniyu ebesulan te kedhimetayi ki Jesus.”

Nengeulaula 4:7

Ne impeetuvang dan si Pedro wey si Juan, ne mid-insaan dan te, “Hengkey heini he g̵ehem is ingkeulii kayi te kenà ebpekehipanew, ne hentei is mibeg̵ey keniyu kayi te g̵ehem?”

Juan 1:25

Mid-insè dan en maan te, “Emun kenè ka iyan sikan is mibpilì te Megbevayà wey mekehadì, ne kenè ka zaan si Elias, wey kenè ka sikan is netagnà he ebpeneuven, maan is ebpemewtismu ka te menge etew?”

Lucas 11:29

Ne zutun hein egkengehasekhasek en is utew mezakel he menge etew he ed-uvey ziyà te ki Jesus, migkag̵i sikandin diyà te kandan te, “Sikiyu is menge etew g̵untaan, utew mezaat is menge ulaula niw. Egkesuatan niw he meehè niw is singyal he ebpuun te Megbevayà diyà te langit he tuus he midsug̵ù e zin, iyan, iyan dà singyal he ibpaahà keniyu is iring te impeulaula zengan duen te tipehuna he ebpeneuven he si Jonas.

Marcos 8:11

Ne hein nekeuma zan en, midhendiyà te ki Jesus is menge Perisiyu ne mibpekidlewanè dan kandin. Migkeg̵iyan dan sikandin he mebpaahà sikandin te singyal he egkein-inuwan he tuus he sug̵ù sikandin te Megbevayà. Umba migkag̵i zan haazà su egezaman dan sikandin.

Mateo 21:23

Midlikù si Jesus diyà te simbahan he Valey te Megbevayà ne mibpenurù din is menge etew zutun. Ne nemekeuma is menge lavew he memumuhat wey menge ebmeg̵urangen te menge Hudiyu zutun ne mid-insè dan ki Jesus te, “Heini is langun he ed-ul-ulahan nu zini te simbahan, duen nu ve ketenged te ked-ulaula kayi, wey hentei is mibeg̵ey kenikew te ketenged wey nu meulaula heini?”

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”