Juan 2:15 - Manobo Western Bukidnon

¹⁵ Ne mibaal sikandin te letigu he pisì ne mid-avug din pehendiyà te g̵awas dutun te Valey te Megbevayà is menge vaka wey kerehidu. Ne mibpemiley zin is menge lemisahan te ebpemenliwà te selapì, ne is selapì dan, mid-ulaan din.

Juan 2:15 Referans Kwoze

2 Kurintu 10:4

Su is menge ketezengan, he ke và dà gumaan, he idsukul zey te mezaat, ne kenà ebpuun te etew, kekenà, mekeg̵eg̵ehem utew su ziyà ebpuun te Megbevayà. Ne heini is menge ketezengan, kenà egkesukulan te minsan hengkey he tarù he ketezengan he igkuntada te Megbavayà minsan ke utew melig-en.

Juan 18:6

Ne hein migkag̵i si Jesus te, “Iyan a,” nemekepemuley-ang dan ne nengepiley zan.

Mateo 21:12

Ne midseled si Jesus diyà te Valey te Megbevayà ne mibpenegseg din dutun is menge limbungan he etew zutun he ebpememelegyà wey ebpememasa. Mibpemiley zin is menge lemisahan te ebpemenliwà te menge selapì wey is menge pinuuwà te menge ebpememelegyà te ibpemuhat he merepatik.

Juan 2:14

Ne ziyà te zekelà he simbahan he egngezanan te Valey te Megbevayà neehè din is ebpemelegyà te menge ibpemuhat he vaka, wey menge kerehidu, wey menge merepatik. Ne neehè din daan is ebpemenliwà te menge selapì he ziyà te lemisahan dan.

Juan 2:16

Ne migkeg̵iyan din is ebpemelegyà te merepatik te, “Iawè niw heeyan! Kenè niw himuwa he tiyenggiyan heini is Baley te Amey ku he Megbevayà.”

Nengeulaula 27:32

Ne zutun, migetas te menge sundaru haazà is menge pisì he inhiket dutun te avang wey maanud haazà is avang.