Juan 2:12 - Manobo Western Bukidnon

¹² Neiwas haazà, si Jesus wey is iney zin wey menge suled din wey is menge sumusundan din, midhendiyè dan te inged he Kepirnaum ne wazè dan med-awà dutun seled te nepipira he andew.

Juan 2:12 Referans Kwoze

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

1 Kurintu 9:5

Ne mezaat be zaan ke ed-iringan ku is menge zuma he epustul wey is menge hazi ni Jesus wey si Pedro zaan su pudu zan duen esawa he tumutuu he edumahan dan ke edhipanew zan? Kenà daan mezaat.

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Juan 6:17

ne mid-untud dan te avang su edrapas dan diyà te inged he Kepirnaum. Mezukilem en dutun haazà is ked-untud dan, ne wazè pa si Jesus mekelikù diyà te kandan.

Mateo 11:23

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu. Su is egkengein-inuwan he impeehè ku ziyan te inged niw, angin ke ingkepaahà dengan diyà te menge tigSuduma su kenà egkezezeetan te Megbevayà is inged dan, ne kemulu pa pezem guntaan.

Juan 2:2

Ne zutun daan si Jesus wey is menge sumusundan din, su neumbita zaan sikandan he medtelavuk dan.

Juan 4:46

Ne midlikù si Jesus diyà te inged he Kana he ziyà te Geliliya. Iyan haazà kes inged he impevaluy zin he vinu is wahig. Ne zuen dutun etew he zekelà is ketengdanan din diyà te hadì. Ne zuen anak din diyà te inged he Kepirnaum he egkezeruwan.