Juan 18:35 - Manobo Western Bukidnon

³⁵ Ne midtavak si Pilatu te, “Hudiyu e ve! Is menge zuma nu he Hudiyu wey is menge punuan he memumuhat, iyan mid-uwit kenikew zini. Hengkey is salè nu?”

Juan 18:35 Referans Kwoze

Nengeulaula 23:29

Ne zutun netuenan ku he wazè bes mezaat he ulaula zin he zait he igkepirisuwa wey igkepehimetayi kandin. Iyan dà insumbunga kandin is kedsupaka zin te menge vetasan dan dutun te kesug̵uan dan.

Nengeulaula 21:38

Kenè ke ve iyan kes tig-Ihiptu he malù en neug̵et guntaan he midsukul te gubirnu ne mibpengulu te heepat he libu he menge tulisan diyà te tanà he kenà ed-ubpaan te etew?”

Nengeulaula 3:13

Is Megbevayà he ed-ezapen te menge kepuun tew he si Abraham, si Isaak, wey si Hakub, midtulus din is sulug̵uen din he si Jesus. Ne te wazè pa sikandin tulusa, impalad niw ziyà te menge punuan ne midsumpalit niw ziyà te etuvangan ni Gubirnedur Pilatu. Ne si Pilatu, edlibriyen din pezem si Jesus,

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Juan 19:6

Ne is menge punuan he memumuhat wey is menge pulis, hein neehè dan si Jesus, mibpememensag dan te, “Himetayi, iransang te krus!” Ne midtavak si Pilatu te, “Iyan kew medransang kandin te krus su siak, wazè ku egketuenan he salè din!”

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Juan 18:34

Ne midtavak si Jesus te, “Kenikew zè be he isip heini is insè nu ke hadì a wey ke ziyè be ebpuun heini te selakew en he etew?”

Juan 18:36

Ne midtavak si Jesus te, “Is keg̵ehem ku te kedhadì, kenà dini ebpuun te kelibutan. Su ke zini ebpuun mibpekidtebek en geina is menge sakup ku wey a kenà mezakep te menge Hudiyu, iyan, kenà dini te kelibutan ebpuun is keg̵ehem ku te kedhadì.”