Juan 18:18 - Manobo Western Bukidnon

¹⁸ Ne midtetavun te uring is menge pulis wey menge sulug̵uen su meg̵enew haazà, ne edhizazang dan dutun. Ne mid-amur zutun si Pedro te kandan su edhizazang.

Juan 18:18 Referans Kwoze

Marcos 14:54

Ne si Pedro, midtinundug daan asal kenà utew ed-uvey ne ziyè dà medtaman te lama zutun te valey te lavew he memumuhat. Ne mibpinuu sikandin dutun is ed-amur ziyà te menge guwardya ne midhizazang diyà te hapuy zutun.

Juan 18:25

Ne kemulu pa si Pedro zutun is edhidhizazang. Ne zuen menge etew zutun he mid-insà kandin te, “Kenè ke ve sumusundan daan ni Jesus?” Iyan, mibarew ni Pedro. Ke sikandin te, “Kenà a iyan.”

Juan 21:9

Ne hein nekezunggù dan, neehè dan is mid-ug-ug̵anga he menge vag̵a. Ne zuen dutun supas wey pait he intuug.

Marcos 14:67

Ne hein neehè din si Pedro is edhizazang midtengtengan din ne migkag̵i te, “Sikew, duma ka zaan ni Jesus he tigNeserit.”

1 Kurintu 15:33

Iyan, kenè niw itug̵ut he meketuu kew te iring kayi su tarù. Tutuu iyan is erubasa he egkag̵i te, “Emun ebpekiduma ka te etew he mezaat is ulaula zin ne egkeiringan nu is ulaula zin wey ked-isip din.”

Nengeulaula 4:23

Ne zutun hein impeg̵uwè en si Pedro wey si Juan, mid-ulì dan diyà te menge zuma zan he tumutuu. Ne mibpenudtul zan haazà is imbelaud kandan te menge punuan he menge memumuhat wey menge ebmeg̵urangen.

Lucas 22:44

Ne utew si Jesus dutun neseeng ne midheg̵etan din is ked-ampù din te Megbevayà ne edteg̵aktak is rimuseng din he iring te lengesa.

Juan 18:3

Ne zutun nekeuma si Hudas he edumahan te sengekumpeniya he sundaru wey pulis he midsug̵ù te menge punuan he memumuhat wey menge Perisiyu. Ne ebpenusulù he nengeg̵umeenan sikandan.