Juan 16:4 - Manobo Western Bukidnon

⁴ Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Juan 16:4 Referans Kwoze

Juan 14:29

Ne te wazè pa meuma is ked-ewai ku keniyu, migkag̵i ku en keniyu heini he zaan su emun egkeulaula en, ebpeketuu kew he iyan a sikan is hadì he mibpilì te Megbevayà.

Marcos 13:23

Umba mebpekevantey kew su midtudtul ku en keniyu heini is langun he egkehitavù te wazè pa meulaula.

Juan 13:19

Umba,” ke si Jesus, “te kenè pa heini egkehitavù, egkeg̵iyen ku en keniyu he zaan su emun egketuman en, ebpeketuu kew he iyan a sikan is mibpilì te Megbevayà he ibpahadì.

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Marcos 2:19

Ne migkag̵i si Jesus diyà te kandan te, “Penenglitan ke zuen eseweey, is menge zuma zutun te ebpengesawa, kenè dan egkeisip he edsalang dan te kegkaan ke kemulu zan pa zuma haazà is ebpengesawa. Ne zutun te timpu he ibpaawà diyà te kandan sikan is ebpengesawa, human dan edsalang egkaan. Ne iring din ded daan is menge sumusundan ku su te kemulu e pa zini te kandan, kenè dan edsalang te kegkaan.”

Mateo 24:25

Kenè niw heini lipati su mibpetizeenan ku sikiyu he zaan.

2 Pedro 1:14

Netuenan ku he meg̵aan e en egkeumuri sumalà is impesavut kedì te Nengazen tew he si Jesu Kristu.

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

Mateo 10:7

Ipesavut niw kandan he meg̵aan en edhadì te menusiyà is Megbevayà.

Lucas 1:2

Insurat dan is neg̵ug̵ud kenami te menge etew he iyan nekeahà kayi te menge vaal wey iyan midsangyew te Lalag te Megbevayà.

2 Tiselunika 2:5

Wazè niw pa vuwa melipati he migkag̵i ku en heini is langun hein diyan e pa te keniyu.