Juan 16:15 - Manobo Western Bukidnon

¹⁵ Umba migkag̵i ku he ibpesavut din keniyu is penurù ku su is langun he egkeg̵iyen te Amey ku, iyan ku zaan egkeg̵iyen.

Juan 16:15 Referans Kwoze

Juan 17:10

Ne is menge etew he g̵aked nu, kediey zaan, ne is langun he kediey, kenikew zaan. Ne pinaag̵i kandan egkeahà is bentug̵an ku.

Juan 3:35

Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Kulusas 1:19

Ne egkesuatan te Amey tew he Megbevayà he ke hengkey sikandin, iyan ded daan sikan is Anak din.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Kulusas 2:9

Umba egkeg̵iyen ku heini su si Kristu, nehimu sikandin he etew. Duen din lawa, iyan, minsan pa kayi is minsan hengkey he ziyà te Megbevayà ne ziyà te kandin.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Kulusas 2:3

Su iyan dà sikandin ebpekeveg̵ey te minsan hengkey he tutuu he ketau wey tutuu he kedsavut.

Juan 14:21

Is etew he edewaten din is menge sug̵ù ku ne edtumanen din, iyan sikandin etew he utew a mahal ziyà te gehinawa zin. Ne mahal zaan sikandin dini te g̵ehinawa zey te Amey ku, ne edhimuwen ku he metueni zin he iyan a zuma zin.”