Biblia Todo Logo
Bib sou entènèt

- Piblisite -




Juan 15:5 - Manobo Western Bukidnon

5 Su iyan a sikan is lawa ne iyan kew menge subpang ku. Is etew he kenà edsuwey kedì iring te kenà a zaan edsuwey kandin, iyan ebpekepenigudu ebpekepemeg̵as. Wazà egkehimu niw ke ebpekesuwey kew kediey.

Gade chapit la Kopi




Juan 15:5
28 Referans Kwoze  

Egkehimu ku is minsan hengkey he ibpeulaula kedì tenged te tavang ni Kristu he iyan edlig-en kedì.


Su emun ebeelan din is iring kayi, ne human egkehimu is menge ulaula niw he zait he menge ulaula te menge etew he neg̵aked te Nengazen tew, ne egkehimu zaan he layun niw egkeveeli is egkesuatan din; layun niw egkeulaula is minsan hengkey he menge meupiya he ulaula. Ne layun daan ed-iseg is kegketueni niw te menge ulaula te Megbevayà.


Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.


Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,


Su emun hustu is ed-ul-ulahan niw, sikami is epustul, kenà egkehimu he ibpeehè dey is keg̵ehem dey keniyu su wey zey zà ibpaahà is keg̵ehem dey ke edsupaken niw is hustu he ulaula.


Ne zutun midtavak si Jesus te, “Utew venar is egkeg̵iyen ku keniyu he siak is Anak te Megbevayà, wazà egkehimu ku te kediey zà duen he g̵ehem; iyan dà edhimuwen ku is egkeehè ku he edhimuwen te Amey ku. Is ebeelan din, iyan daan ebeelan ku.


Is minsan hengkey he ibeg̵ey kenitew he meupiya he wazè din kurang, ne ziyà ebpuun te Megbevayà he iyan nenlimbag te langun he edsig̵a ziyà te langit. Egkengehalinhalin heini, iyan, is Megbevayà, kenà mulà sikandin edhalin, ne kenà egkehalin te minsan hengkey.


Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.


Utew venar is egkeg̵iyen ku keniyu he emun kenà idleveng is benì diyà te tanà, kenà egkevuwad. Ne emun igkeleveng en ne edtuvù; ne ebeg̵as te mezakel. Iring din ded daan kedì, su emun ebpatey a ne mezakel is egkeveg̵ayan te veg̵u en he untung.


Ne iring din ded daan, menge suled, heini is nehitavù kenitew su zutun te kebpatey ni Kristu he elili kenitew, ne mibpatey ki zaan, ne tenged kayi kenè en egkehimu he ibpetuman kenita te minatey en is menge sug̵ù he imbilinbilin ni Moises. Ne umba nehimu heini su wey kiw mesakup ni Kristu he nevanhew en ne wey tew metuman is egkesuatan te Megbevayà.


Ne zutun egkeveelan niw is minsan hengkey he metazeng he ulaula tenged te g̵ehem he ibeg̵ey ni Jesu Kristu su wey mezalig wey mevantug is Megbevayà.


Ke kenà sug̵ù si Jesus te Megbevayà wazà egkehimu zin.”


Kenè ku iyan igkekeg̵iya kayi su wey a layun mekezawat te ibeg̵ey niw, kekenà, egkesuatan ku he zekelà is suhul keniyu te Megbevayà.


Iyan, guntaan, nevelukasan ki en te Megbevayà, ne nelibri ki en te kebpekeulaula ta te mezaat. Ne tenged kayi menge sulug̵uen ki en te Megbevayà, ne utew zekelà is pulus kayi kenita su ebpeketuman ki en te egkesuatan din, ne iyan rimeg̵as kayi te mid-ulaula te Megbevayà is kegkeveg̵ayi kenita te untung he wazà pidtemanan.


Iyan dà si Jesus ebpekelibri te silut kenitew,” ke si Pedro, “su zini te tivuuk he kelibutan wazè en duma pa he ngazan he etew he ebpemeleveg he imbeg̵ey te Megbevayà.”


Ne minsan pa te kenà ed-iiring-iring is ketau he imbeg̵ey kenitew te kada sevaha, nesevaha kiw g̵ihapun su iring kiw te sevaha zà he lawa ni Kristu he mezakel is menge parti zin.


Pevayàbayè kew en te Nengazen tew he si Jesus he iyan ebeg̵ey te untung he wazà pidtemanan. Iring sikandin te vatu he pengawid te valey he kenà edewaten te menge pandey. Wazà sikandin dewata te menge etew, iyan, iyan sikandin mibpilì te Megbevayà su utew sikandin mahal.


Iyan kehulug̵an kayi te langun is: sikitew is menge tumutuu, ne menge parti kiw te lawa ni Kristu.


Su emun neteyawan te Megbevayà is isip niw, egkeulaula niw is langun he hustu wey metazeng he vaal he ibpenurù te tutuu he tuluuwen.


Ne is Megbevayà, iyan ebeg̵ey te venì diyà te ebpemula su wey zuen egkeenen. Is idtavang ta te zuma ne iring te ibpemula. Ibeg̵ey zin daan kenita is ibpemula, he ke và dà egkeg̵iya, is igketavang ta te zuma, su wey zuen dekelà he uzar ta he ebpuun te metazeng he ulaula ta ziyà te zuma.


Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.


Ne iring din ded daan, sikitew is menge tumutuu ki Kristu, ne nehimu kiw he iring te lawa zin, ne iyan kiw menge parti zutun. Neubpu is kada sevaha he parti te menge zuma zin he parti.


Sikitew is menge tumutuu, emun edtig̵um kiw su edtumanen tew is kedtenuzi te kebpatey ni Kristu, duen ed-inumen tew he ebpeselematan tew te Megbevayà. Tuus heini he mibpelisan kiw en te lengesa ni Kristu. Ne is supas he ebpenebtevien tew ne egkeenen tew, kebpekeambit tew heini te lawa ni Kristu.


Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.


Swiv nou:

Piblisite


Piblisite