Juan 14:6 - Manobo Western Bukidnon

⁶ Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 14:6 Referans Kwoze

Nengeulaula 4:12

Iyan dà si Jesus ebpekelibri te silut kenitew,” ke si Pedro, “su zini te tivuuk he kelibutan wazè en duma pa he ngazan he etew he ebpemeleveg he imbeg̵ey te Megbevayà.”

Juan 10:9

Iyan a sikan is gemawan; ke zuen minsan hentei he edseled pinaag̵i kediey edlibriyen sikandin te silut. Iring sikandin te kerehidu ku he edseled te tudil ne egawas he ebpen-ahà te egkeenen.

Ipisu 2:18

Tenged te kebpekidsevaha tew ki Kristu, sikami is menge Hudiyu wey sikiyu is kenà menge Hudiyu, ebpekeuvey kiw en ziyà te Amey tew he Megbevayà pinaag̵i te kedtavang te Wag̵as he Mulin-ulin.

Juan 1:4

Ne heini is Lalag te Megbevayà, iyan daan sikandin sikan is puunà te untung he wazà pidtemanan, ne heini is untung, iring te kerayag su ebpeketayew te kerusireman te isip te tivuuk he menusiyà.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Juan 8:32

Egketuenan niw is tutuu he tuluuwen, ne pinaag̵i kayi egkengevelukasan kew.”

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin

Juan 5:21

Is Amey ku, ebenhawen din is menge minatey ne ibeg̵ey zin kandan is untung. Ne siak is anak din, untung daan is ibeg̵ey ku ziyà te minsan hentei he ebpilien ku.

2 Juan 1:9

Ke zuen etew he ed-engkezan din is tutuu he tuluuwen he impenurù ni Kristu su iyan edhemenan din is tarù he tuluuwen he in-uman din dutun, wazà sikandin mebpekidsevaha te Megbevayà. Is minsan hentei mulà he edhemenan din is tutuu he tuluuwen, iyan sikandin mibpekidsevaha te Amey tew he Megbevayà wey is Anak din.

Impezayag 20:15

Is minsan hentei zutun he wazà ilista is ngazan din diyà te libru te untung, in-agbur zaan sikandin diyà te ranew he egkeregreg.

Juan 15:1

“Iyan a,” ke si Jesus, “sikan is puun te pinemula he paras ne is Amey ku he Megbevayà, iyan teg̵ipinemula.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Impezayag 22:17

Ne kes Wag̵as he Mulin-ulin wey kes egkeesawa te nati he kerehidu, ed-umew zan is egkag̵i te, “Tuu kew en.” Ne sikan is nekezineg kayi, ne kinahanglan he med-umew zaan he egkag̵i te, “Tuu kew en.” Is minsan hentei keniyu he egkemezahan, wey is minsan hentei he egkesuat, dewata zin en he wazà bayad is wahig he ebpekeveg̵ey te untung he wazà pidtemanan.

Juan 8:51

Utew venar is egkeg̵iyen ku keniyu he is minsan hentei he edtuman te ibpenurù ku kandin, kenè en ebpekeag̵i te kemetayen!”

1 Juan 2:23

Ne ke zuen etew he kenè din edewaten is Anak te Megbevayà, kenè din daan edewaten is Amey tew he Megbevayà. Ne iring din ded daan ke zuen etew he midawat din en is Anak te Megbevayà, nezawat din en daan is Amey tew he Megbevayà.

Juan 10:28

Ebeg̵ayan ku sikandan te untung he wazà pidtemanan, ne kenè en ebpatey is gimukud dan ne wazà minsan hentei he ebpekeag̵ew kandan dini te kedì.

Juan 18:37

Ne migkag̵i si Pilatu te, “Hadì ke ves?” Ne midtavak si Jesus te, “Tutuu heeyan is nekag̵i nu su hadì a. Umba midhendini a te kelibutan. Umba neetew a zini te lumpad. Midhendini a su wey ku ikepesavut ke hengkey is tutuu he tuluuwen. Is langun he menge etew he egkesuatan dan he metueni zan is tutuu he tuluuwen, ebpemineg dan kediey.”

Juan 6:33

Sikan is egkeenen he ibeg̵ey te Megbevayà, ebpenaug he ebpuun te langit ne iyan ebpekeveg̵ey te untung diyà te tivuuk he menusiyà.”

Juan 14:19

Kenè en egketegteg̵aad ne kenà ad maan egkeahà te menge kuntada ku he etew zini te kelibutan, iyan, sikiyu mulà, egkeehè e pa egkeuman keniyu. Kenà egkeawà is untung ku te minsan keenu, umba zuen niw en daan untung he kenà egkeawà te minsan keenu.

Juan 6:57

Is Amey ku he iyan midsug̵ù kediey, duen din untung, ne tenged dutun duen ku zaan untung. Ne iring din ded daan is egkaan kediey su ebeg̵ayan ku sikandin te untung he wazà pidtemanan.

1 Pedro 2:4

Pevayàbayè kew en te Nengazen tew he si Jesus he iyan ebeg̵ey te untung he wazà pidtemanan. Iring sikandin te vatu he pengawid te valey he kenà edewaten te menge pandey. Wazà sikandin dewata te menge etew, iyan, iyan sikandin mibpilì te Megbevayà su utew sikandin mahal.

Juan 10:7

Umba, migkag̵i en maan diyà te kandan te, “Utew venar is egkeg̵iyen ku keniyu he iring a te g̵emawan te tudil te menge kerehidu.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

Kulusas 3:4

Umba, menge suled, emun edlikù dini si Kristu he iyan puunà te veg̵u he untung ta, ibpeg̵awag̵awa is kekempet din ne ibpeg̵awag̵awa zaan dutun is kekempet te kenita he veg̵u he untung su zutun duma ki kandin.

1 Kurintu 15:45

Su zuen insurat he Lalag te Megbevayà he edhenduen te, “Haazà is nehuna he etew he si Adan, ne mibeg̵ayan te Megbevayà is lawa zin te g̵ehinawa su wey mekeubpà dini te tanà.” Iyan, si Kristu mulà, haazà is migeraran te huziyan he Adan, iyan sikandin ebeg̵ey te untung he wazà pidtemanan su wey kiw mekeubpà diyà te langit.

1 Juan 1:8

Emun egkag̵i ki he wazè ta salà, tarù is ebpetuuwan ta te g̵ehinawa ta ne kenè ki ves edtuman te tutuu he tuluuwen.

Juan 6:68

Ne midtavak si Simon, sikan is migeraran ki Pedro, ke sikandin te, “Wazà duma he egkesundanan dey su iyan ke zà ebpenurù te paag̵i te kebpekeangken te untung he wazà pidtemanan.

Ruma 5:21

Ne hein aney, sikitew is menusiyà, kenà egkehimu he kenè ki ebpekesalà, ne tenged kayi ebpatey ki, iyan, guntaan pinaag̵i te ked-isipa te Megbevayà kenitew he metazeng, impeehè kenitew te Megbevayà is gag̵ew zin su wey kiw zin meveg̵ayi te untung he wazè din pidtemanan pinaag̵i ki Jesu Kristu he iyan Nengazen tew.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.

Impezayag 19:11

Ne zutun neehè ku is langit he nepuwasan ne zuen dutun kudà he meputì ne egkeserig̵an wey metinumanen is ed-untud dutun. Metazeng is kedhukum din ne metazeng daan is kebpekidtebek din te menge kuntada zin.

Kulusas 2:9

Umba egkeg̵iyen ku heini su si Kristu, nehimu sikandin he etew. Duen din lawa, iyan, minsan pa kayi is minsan hengkey he ziyà te Megbevayà ne ziyà te kandin.

1 Juan 5:6

Iyan si Jesu Kristu sikan is midsug̵ù te Amey zin dini te kelibutan. Egketuusan heini pinaag̵i te wahig wey lengesa. Kenà heini egketuusan pinaag̵i zà te wahig he iyan is kebewtismuwi kandin, kekenà, pinaag̵i zaan te lengesa he iyan is kedtig̵is te lengesa zin dutun te kedrensanga kandin te krus. Iyan ebpenistig̵us kayi zini te kenitew is Wag̵as he Mulin-ulin, su tutuu layun is egkeg̵iyen din.

Impezayag 3:14

Ne ke sikandin maan te, “Pesurati nu is belinsug̵uen te Megbevayà he ebantey te menge tumutuu ziyà te inged he Leudisiya, ne ke sikew te, ‘Siak si Jesus is egkag̵i; migeraran a te Metinumanen wey Egkeserig̵an su venar is egkeg̵iyen ku. Pinaag̵i kedì midlimbag te Megbevayà is minsan hengkey.

Kulusas 2:17

Su is menge iring dutun, ne nehimu zengan he alung dà. Ne ziyè pa te huziyan is teg̵ialung dutun he iyan si Kristu.

Impezayag 3:7

Ne ke sikandin en maan te, “Pesurati nu is belinsug̵uen te Megbevayà he ebantey te menge tumutuu ziyan te inged he Piledilpya. Ne ke sikew te, ‘Siak si Jesus is egkag̵i; iyan a sikan is egkeserig̵an he mibpilì te Megbevayà. Imbeg̵ey kedì is keg̵ehem te kedhadì te g̵inhedian ku iring te kedhadì dengan ni Hadì David. Ne emun duen ebpuwasan ku wey mekeseled dutun te g̵inhedian ku, kenè en egkelekevan te minsan hentei. Ne emun duen etew he edlekevan ku, kenè en daan egkepuwasan te minsan hentei.

Nengeulaula 3:15

Ne sikan is puunà te untung he wazà pidtemanan, midhimetayan niw, iyan, mibanhew sikandin te Megbevayà. Ebpeketistig̵us key he nevanhew en si Jesus su neehè dey.

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.

Hibriyuhanen 9:8

Iyan heini ulaula te menge memumuhat dutun te simbahan, ne pinaag̵i kayi ibpesavut kenitew te Wag̵as he Mulin-ulin he te kemulu pa kinahanglan he egemiten haazà is egkehuna he rug̵u he egngezanan te mahal he rug̵u, kenè pa ebpekeseled is menge etew zà duen dutun te utew mahal he rug̵u.

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

Nengeulaula 9:2

Ne tenged dutun midhendiyà sikandin te lavew he memumuhat ne midhangyù he pesurati zin is menge egalen te menge simbahan te menge Hudiyu ziyà te inged he Demasku; ne hengyua zin he itug̵ut dan ki Seulu is kedekepa te minsan hentei he egkeehè din, maama se vahi, he edsunud te paag̵i ni Jesus. Ne sikan is egkengezakep din, ebekusen ne ed-uwiten diyà te Hiruselim.